გურიაში უამინდობა გრძელდება. თოვლის საფარის სიმაღლე 50 სანტიმეტრს აჭარბებს. მუნიციპალური ორგანოები საგანგებო რეჟიმში მუშაობენ.
ოზურგეთის მუნიციპალიტეტში გზებს სპეციალური ტექნიკა 24 საათის განმავლობაში ასუფთავებს. იწმინდება სოფლებში მისასვლელი ცენტრალური გზები, სასაფლაოს მისადგომები და შიდა სასოფლო გზები. ადგილზე იმყოფება ოზურგეთის მუნიციპალიტეტის გამგებელი მერაბ ჭანუყვაძე.
გადაადგილების პრობლემა ამ დროისთვის არცერთი მიმართულებით არ დგას. მიმდინარეობს დიდთოვლობის გამო დაზიანებული ელექტრო სადენების აღდგენაც.
