კანონის უზენაესობის ხელშეწყობა, მართლმსაჯულებასთან წვდომა და უფლება გვქონდეს სამართლიანი სასამართლო პროცესი, ის ვალდებულებებია, რომელიც საქართველოს ევროკავშირის ასოცირების შესახებ შეთანხმების მიღწევაში დაეხმარება, - ამის შესახებ სასტუმრო "ჰოლიდეი ინნ"-ში მიმდინარე კონფერენციის დაწყებამდე, ამერიკის საერთაშორისო განვითარების სააგენტოს (USAID) მისიის დირექტორმა დუგლას ბოლიმ ჟურნალისტებს განუცხადა.
სასტუმრო "ჰოლიდეი ინნ"-ში ფორუმი ტარდება "კოალიცია დამოუკიდებელი და გამჭვირვალე მართლმსაჯულებისთვის". ფორუმის თემაა, საქართველოს სასამართლო სისტემის გამოწვევები. დუგლას ბოლის თქმით, ამერიკის შეერთებული შტატებისთვის მნიშვნელოვანია და მხარს უჭერს საქართველოში რეფორმებს.
"ორ შეკითხვაზე შევეცდებით პასუხის გაცემას - ამ რეფორმების შედეგები იყო დამოუკიდებლობა, გამჭვირვალობა და საქართველოს სასამართლოს ანგარიშვალდებულება და ასევე რა არის აუცილებელი, რომ ჭეშმარიტად დამოუკიდებელი და ეფექტური სასამართლო სისტემა შეიქმნას", - განაცხადა დუგლას ბოლიმ.
