ოკუპირებულ სამხრეთ ოსეთში დისლოცირებული რუსული სამხედრო ძალები საცეცხლე წვრთნას ატარებენ. როგორც "რია ნოვოსტი" იტყობინება, ამის შესახებ რუსეთის სამხედრო ადმინისტრაციულ ერთეულში - სამხრეთის სამხედრო ოლქში განაცხადეს. ოლქის პრესსამსახურის ცნობით, რუსი ინსტრუქტორები წვრთნებს სნაიპერებს უტარებენ და მთიან რეგიონში მოქმედებას ასწავლიან.
სამხედრო აქტიურობა შეინიშნება ოკუპირებული აფხაზეთის ტერიტორიაზეც, სადაც მთიან რეგიონებში რუსული საოკუპაციო ძალების 600-ზე მეტი სამხედრო ახალ შეიარაღებასა და სამხედრო ტექნიკის ათვისებას სწავლობს.