თურქეთის ქალაქ ჩეშმეს სანაპიროსთან ექვსი ავღანელი ბავშვი დაიღუპა, რომლებიც თურქეთიდან საბერძნეთის კუნძულ ხიოსზე მოხვედრას ცდილობდნენ. ამის შესახებ თურქული საინფორმაციო სააგენტო "ანადოლუ" იუწყება.
ნავი, რომელსაც ავღანელი დევნილები გადაჰყავდა, შტორმის შედეგად გადატრიალდა. ერთ-ერთი დაღუპული ჩვილია. თურქეთის სანაპირო დაცვის სამსახურმა ხუთი მიგრანტის გადარჩენა შეძლო, ორი ადამიანი დაკარგულად ითვლება.
სტატისტიკის თანახმად, ევროკავშირის ქვეყნებში ბოლო 10 თვის განმავლობაში მილიონ 200 ათასი მიგრანტია გადასული.
