რეჟისორი გოგა ხაინდრავას ფილმის „9+1“-ს ნახვის შესაძლებლობა საზოგადოებას წინასაარჩევნოდ ექნება. ფილმში, რომელიც „ნაციონალური მოძრაობის“ 9-წლიან მმართველობას ასახავს, ასახულია ძალადობის ფაქტები. შესაბამისად, მისი ყურება არასრულწლოვანთათვის არ არის მიზანშეწონილი. როგორც ხაინდრავა for.ge-სთან საუბრისას აცხადებს, ფილმი ასახავს საქართველოს უახლეს ისტორიას, ძირითადად ნაჩვენები იქნება ის სამზარეულო, რაც ჯერ არ უნახავს ქართულ საზოგადოებას.

for.ge გოგა ხაინდრავას ესაუბრა.

„პრემიერ-მინისტრების მხრიდან მითითებები ადამიანების დაკავებაზე საქართველოში აღარ იქნება და მოლოდინებიც ნუ იქნება“, - ასე უპასუხა პრემიერმა „ნაციონალურ მოძრაობის“ მოთხოვნას, რომ მიიღოს პოლიტიკური გადაწყვეტილება კორცხელის ინციდენტში მონაწილე ადამიანების დაკავებასთან დაკავშირებით. ბატონო გოგა, როგორ ფიქრობთ, რამდენად აუციელებელია ამ ადამიანების წინააღმდეგ მართლმსაჯულების ამოქმედება?

გოგა ხაინდრავა: თუ კანონი დაირღვა მართლმსაჯულება უნდა ამოქმედდეს. ბუნებრივია, სახელმწიფო იმისთვის არსებობს, რომ დაიცვას კანონი და კანონის დასაცავად სპეციალური ინსტიტუტებია შექმნილი. ის, რაც თქვა კვირიკაშვილმა, ეს ძალიან კარგია და აბსოლუტურად სწორი. ჩვენ წლების მანძილზე შეჩვეული ვიყავით იმას, რომ ამ ქვეყანაში ყველაფერს ერთი კაცი წყვეტდა. ადამიანების პატარა ჯგუფით იმართებოდა ეს ქვეყანა.

დღეს ვითარება შეიცვალა, საქართველო მიდის ევროპისკენ, ამ დიდ ოჯახს უბრუნდება არა მარტო ფიზიკურად, არამედ მენტალურად, სახელმწიფოებრივად და ეს არის გიორგი კვირიკაშვილის პრემიერ-მინისტრობა. ვფიქრობ, საქართველოს სინამდვილეში გაჩნდა ადამიანი, რომელზეც ნამდვილად შეიძლება ვთქვათ, რომ ევროპული ყაიდის პოლიტიკოსი და სახელმწიფოს მეთაურია. ნადვილად მიხარია, რომ ასეთი პოლიტიკოსების დრო მოვიდა საქართველოში.

პრემიერ-მინისტრზე ვსაუბრობთ და შესაბამისად, მინდა გკითხოთ მისი განცხადების შესახებ, რომელიც მან „რუსთავი 2“-ის გენერალური დირექტორის მიმართ გააკეთა, რომ ადამიანი, რომელიც იყო ერთ-ერთი შემოქმედი იმ ყველაფრის, რაც 2007 წელს ხდებოდა ქვეყანაში, დღეს ნამდვილად არ უნდა ჰქონდეს საუბრის ასეთი გონორი, იზიარებთ ამ შეფასებას?

- გვარამია არის კანონის დამრღვევი, უზრდელი, ჩამოყალიბებული ნაძირალა, რომელიც აწამებდა ქართველ ხალხს. იმ სტრუქტურის შემქმნელი იყო, რომელმაც 100 ათასობით ჩვენს მოქალაქეს სიცოხლე გაუმწარა. დღეს ეს კაცი თავისუფალი მედიის წინამძღოლობას ჩემულობს. „რუსთავი 2“ არის დანაშაულებრივი ორგანიზაცია, „ნაციონალური მოძრაობის“ იდეოლოგიური რუპორი, რომელსაც არანაირი კავშირი არ აქვს თავისუფალ მედიასთან და არც ჰქონია არასოდეს, ისევე როგორც გვარამიას.

თქვენ თვლით, რომ არ არის კრიტიკული მედია, რომლის არსებობის აუცილებლობაზე საუბრობენ...

- არ ვიცი ბოროტების აუცილებლობა როგორ უნდა გამართლდეს. არ ვიცი, რატომ უნდა არსებობდეს ბოროტება და რატომ უნდა ხდებოდეს ბოროტების დაცვა ამ ქვეყანაში. „რუსთავი 2“ მედია არ არის, არც ყოფილა და არც ჰქონია ეს დანიშნულება. ეს ტელევიზია არის სააკაშვილის საკუთრება, რომელიც ასრულებს იმ დავალებას, რასაც ეს პირსისხლიანი კაცი აძლევს. „რუსთავი 2“ იმ ადამიანის დავალებას ასრულებს, რომელსაც უბედურების მეტი ამ ქვეყნისთვის არაფერი მოუტანია, მის ვნებებს აკმაყოფილებენ და ამაში ფულს იღებენ.

არანაირი კავშირი „რუსთავი 2“-ს მედიასთან არ აქვს და ილუზიაა ისიც, როდესაც ჟურნალისტები როგორც კოლეგაზე ისე საუბრობთ გვარამიაზე. გვარამია როგორი პროკურორიც იყო, ისეთივე პროკურორი დარჩა. უბრალოდ, ამ თავხედს ახლა აქვს ეთერი და შესაძლებლობა იმისა, რომ იმ ენით ელაპარაკოს ქართულ საზოგადოებას, როგორადაც ლაპარაკობს.

თქვენს კრიტიკას არ მივიღებ, რადგან გვარამიას არ აღვიქვამ როგორც კოლეგას...

- პირადად თქვენ არ გეხებათ. მე ვლაპარაკობ იმ ჟურნალისტებზე, რომლებიც მას როგორც კოლეგას, ისე ესაუბრებიან. გადახედეთ სოციალურ ქსელს, გვარამიას და „რუსთავი 2“-ს მხარადაჭერას უცხადებენ ის ჟურნალისტები, რომლებიც გვარამიამ ფეხქვეშ გაიდო 7 ნოემბრეს და ლამის ორსულობა მოუშალა. იმ „რუსთავი 2“-ს უცხადებენ მხარდაჭერას, რომელიც 7 ნოემბრის დარბევის პროპაგანდისტი იყო. 7 ნოემბრის მობრუნება უნდათ, მაგრამ არ გამოვა. რამდენი მხარიც არ უნდა დაუჭირონ და რამდენი კუდებიც არ უნდა გადააბან ერთმანეთს, „რუსთავი 2“ და „ნაციონალური მოძრაობა“ საქართველოში ვერასოდეს ვერ გაჯეჯილდება. ვისაც უნდა უყუროს ამ სიცრუეს, ეს მისი ნებაა.

რაც შეეხება თქვენს ფილმს 9+1, რომელიც „ნაციონალური მოძრაობის“ 9-წლიან მმართველობას ასახავს და უკვე ცნობილია, რომ ფილმის ყურება არასრულწლოვანთათვის არ არის მიზანშეწონილი. ამ ფილმში რა არის ასახული?

- ეს ფილმი ასახავს საქართველოს უახლეს ისტორიას. ყველაფრი არის მეტ-ნაკლებად. ძირითადად ვაჩვენებთ იმ სამზარეულოს, რაც არ უნახავთ, იმ გარყვნილებას, რომლის შესახებაც ძალიან ბევრი აქვს გაგონილი ქართულ საზოგადოებას. ყველაფერს საზღვარი აქვს. ორთვენახევარი ვიჯექით რეალურ ციხეში. მე არ ვარ კოხტა კოდუა და „ნაციონალური მოძრაობის“ წარმომადგენელი, რომ ქართულ საზოგადოებას ის ვაჩვენო, რასაც ისინი ჩადიოდნენ, მაგრამ ფილმში მოყვანილი კადრები საკმარისი იქნება იმისთვის, რომ ადამიანებს, რომლებსაც ჯერ კიდევ არ აქვთ გააზრებული რა დანაშაული აქვს ჩადენილი „ნაციონალურ მოძრაობას“, იქნებ ცოტა გონზე მოვიდნენ.

თუარადა გაერთიანდნენ კოხტა კოდუებთან, ლაგვილავებთან და იმ ადამიანებთან, რომლებიც წამებით კლავდნენ და აუპატიურებდნენ ქართულ საზოგადოებას. თუ უნდათ მათ რიგებში ყოფნა, იყვნენ, ეს მათი არჩევანია, ყველას ეცოდინება ვის წარმოადგენენ და ვისთან არიან გაერთიანებული. ვფიქრობ, რომ ესეც აბსოლუტურად საკმარისი იქნება იმისათვის, რომ საკუთარი შვილების შერცხვეთ.

მაგრამ რამდენად სწორია ამ ფილმის ეთერში გაშვება, მით უმეტეს, რომ აქ საუბარია ძალადობისა და არადამიანური მოპყრობის კადრებზე?

- ძალადობა არის მთელი მსოფლიოს კონომატოგრაფია. ძალადობის მეტი რამე არის ეკრანაზე? სამწუხაროდ, ძალადობა და სექსი, მეტი არაფერი არ არის დღეს კინოში. მიზანშეწონილად მიმაჩნია ამ ფილმის ჩვენება, რადგან ეს უბედურება შეეხო ჩვენს ოჯახებს. უცებ დაავიწყდა ქართველ ხალხს რას სჩადიოდნენ ეს არადამიანები, მაგრამ გავახსენებ, რომ ვინმეს ილუზიები არ შეექმნას იმასთან დაკავშირებით, რომ „ნაციონალურ მოძრაობას“ მომავალი აქვს საქართველოში. ამათ საქართველოში მომავალი არ აქვთ და ჩემი ფილმი ზუსტად იმისთვის კეთდება, რომ არასოდეს არ ჰქონდეთ მათ მომავალი. ვერავინ ვერ გაიფიქროს მეორედ, რომ მერაბიშვილი და ბოკერია შეიძლება ქართულ სახელმწიფოს წარმოადგენდნენ.

მზად ხართ იმ კრიტიკისთვის, რაც ფილმის ჩვენებას მოჰყვება? ძალადობის კადრების საჯაროდ ჩვენების გამო, ამ დრომდე კრიტიკის ობიექტია გია სალუქვაძე და მუდმივად ხდება ამ თემის ტირაჟირება...

- ტირაჟირებას ახდენს მედია, ქართველ ხალხს ნადვილად არ წყენია. პრესამ წარმოაჩინა ისე, რომ ეს რა ვნახეთო. რატომ რა ვნახეთ? მაშინ იყო უკეთესი, ადამიანებს უკანალში ცოცხები რომ ჰქონდათ გადებული?! ეს ძალადობა რომ არასოდეს არ მოხდეს ამ ქვეყანაში და ამის პრევენცია რომ მოხდეს, ეს ცუდია?...

ეს ფილმი არის პრევენცია?

- პრევენცია ასე კეთდება. უნდა აჩვენო საზოგადოებას რა აქვს ამ ხალხს ჩადენილი. ჩვენ უნდა ვიცოდეთ რას ითმენდა საქართველო. რაც საქართველოს ციხეებში ხდებოდა, ასეთი რამე თანამედროვე მსოფლიოს არ ახსოვს. ნაცისტურ ბანაკებშიც არ ხდებოდა პრეზერვატივიანი ხელკეტებით კაცების წამება! ადამიანის წამების ეს ხერხი, რომელიც სააკაშვილმა, მერაბიშვილმა, ადეიშვილმა, ბოკერიამ, უგულავამ და ახალაიებმა მოიგონეს, ასეთი რამ ფაშისტებს და ბოლშევიკებსაც არ მოუგონიათ. ათასობითმა ადამიანმა გამოიარა ეს უბედურება, ათასობით ოჯახი იყო გაუბედურებული მათი მხრიდან. ამ კადრების განადგურება არ შეიძლება და ის საზოგადოებას უნდა აჩვენო რათა იცოდეს, ნაციონალების შემოხაზვისას ვის აძლევენ ხმას.