„დათო ბეძენიშვილის განცხადება უპრეცედენტოა. ასეთი მკვეთრი განცხადება შიდა პარტიულ ურთიერთობებზე არ გაკეთებულა. თუ არ ჩავთვლით ბიძინა ივანიშვილის განცხადებას მარაგველაშვილთან დაკავშირებით“, - აცხადებს for.ge-სთან საუბრისას პოლიტოლოგი რამაზ საყვარელიძე, რომელიც არ იზიარებს იმ აზრს, რომ რესპუბლიკელების წინააღმდეგ შეთქმულება მზადდება.

for.ge რამაზ საყვარელიძე ესაუბრა.

გავრცელებილი ინფორმაციით, კოალიციაში გადაჯგუფებები იწყება. „ქართული ოცნება“ ძლიერებდა, თუმცა ძლიერდება არა კოალიციის ხარჯზე, არამედ დამოუკიდებლად. დავით ბერძენიშვილის განცხადება, რომ რესპუბლიკელების წინააღმდეგ წერილებს სახელისუფლებო კულუარებიდანაც უკვეთავდნენ, ადასტურებს, რომ გადაჯგუფებები იწყება კოალიციაში?

- დათო ბეძენიშვილის განცხადება უპრეცედენტოა. ასეთი მკვეთრი განცხადება შიდა პარტიულ ურთიერთობებზე არ გაკეთებულა, თუ არ ჩავთვლით ბიძინა ივანიშვილის განცხადებას მარაგველაშვილთან დაკავშირებით. მე არ გავიზიარებდი იმ აზრს, რომ მაიანცდამაინც რესპუბლიკელების წინააღმდეგ მზადდება შეთქმულება, თუნდაც იმიტომ, რომ მაშინ უნდა აიხსნას ამ შეთქმულების აზრი. რაც შეეხება გადაჯგუფებას, ყველა პარტია და მათ შორის „ქართული ოცნება“ მხოლობით რიცხვში ძალიან უსუსური იქნება.

თქვენ თვლით, რომ ჯერ არ დამდგარა ის პერიოდი, როცა ეს პარტიები ცალცალაკე გაცილებით პროდუქტიულები იქნებიან?

- ალბათ, იქნება მაგის დროც, მაგრამ ამჯერად ეს პარტიები ერთმანეთის გარეშე, მგონია, რომ შედეგიანი ვერ იქნებიან და არ მგონია, რომ ეს „ამერიკის აღმოჩენა“ იყოს თითოეული მათგანისათვის. ამ კოალიციის ძალაც თავის კოალიციურობაშია და რესპუბლიკელები ამას ყოველთვის აცნობიერებდნენ. იციან, რომ ერთად უნდა იყვნენ და სავარაუდოა, რომ ერთად ყოფნის მნიშვნელობას აცნობიერებენ ამ პოლიტიკური გაერთიანების სხვა წევრებიც, მათ შორის „ქართული ოცნება“. ასე რომ, რაში შეიძლება დასჭირდეს ამ გაერთიანების ნებისმიერ წარმომადგენელს გაერთიანების დასუსტება, ცოტა გაუაგებარია.

დავით ბერძენიშვილის განცხადებას წინ უსწრებდა, პარლამენტის თავმჯდომარის საავტორო წერილთან დაკავშირებული ხმაური, ასეთი ვერსიაც მოვისმინე, რომ კოალიციაში გარკვეული ჯგუფი ებრძვის პროდასავლურ ძალას. ამ ვერსიას აქვს არსებობის უფლება?

- პროდასვლური პარტია მარტო რესპუბლიკელები არ არიან. პროდასავლური პარტია არის ალასანიას გუნდი და თვითონ „ქართული ოცნებაც“, რომლის პოლიტიკურ კურსზე ბევრი კითხვები იყო, მაგრამ განვლილმა პერიოდმა და დასავლეთთან წარმატებულმა ურთიერთობამ, ეს კითხვები მოხსნა. ამიტომ, თვითონ კურსის მიხედვით, შიდა დაპირისპირების ახსნა, ეს უფრო პოლიტიკური ხერხია, დაახლოებით ისეთი ნაციონალები რომ ამბობენ-ხოლმე - გვებრძვიან, რადგან ევროპული პარტია ვართ.

ჩვენ ვხედავთ, რომ დაპირისპირება ძირითადად არის ძალაუფლების გაყოფა-განაწილებაზე. თუ ერთი გუნდი უფრო მეტ ძალას ფლობს, ვიდრე მეორე, იქ შეძლება გაჩნდეს სურვილი, რომ ჩააჩოჩონ ეს ძალა და თვითონ დაიკავონ ლიდერის პოზიციები. ეს მოტივი გასაგებია, მაგრამ იმის თქმა, რომ რესპუბლიკელები დღეს უფრო ძლიერად არიან წარმოდგენილი, ვიდრე იგივე ალასანიას გუნდი, მმართველობის განაწილების კუთხით, არ მგონია, რომ ეს დასკვნა სწორი იყოს. უსუფაშვილზე შეტევაც იმით აიხსნება, რომ უსუფაშვილი პარლამენტის პირველი პირია. სხვა რესპუბლიკელები მსჯელობის საგანი არ გამხდარან. პარლამენტის პირველ პირზე შეტევა, შეიძლება ითქვას, რომ საამაყოა. მგონია, რომ ამით იხსნება პარლამნეტის თავმჯდომარეზე შეტევა და არა იმით, რომ ის „რესპუბლიკური პარტიის“ წევრია.

ბერძენიშვილის განცხადება ცხადყოფს, რომ რაღაცა სახის წინააღმდეგობა რეალაურად არსებობს კოალიციაში და როგორ ფიქრობთ, ეს განცხადება არის ბიძგი იმისკენ, რომ კოალიციის გახლეჩვა მოხდეს?

- პრინციპში ამ ტიპის განცხადებას შეიძლება მოჰყვეს პოლიტიკური დაპირისპირება და არ ვიტყოდი, რომ ბერძენიშვილის განცხადება ხელს უწყობს კლიმატის შენარჩუნებას. მეორეს მხირვ რესპუბლიკელები ყოველთვის ხასიათდებოდნენ პირდაპირი პოლიტიკით, ანუ ღიად იმაზე ლაპარაკით, რასაც მიუღებლად თვლიან, ასე რომ, რესპუბლიკელების მხრიდან ასეთი შემტევი ტონი ახალი არაა, ეს უფრო ამ პოლიტიკური გუნდის ჩვევაა, ვიდრე რაღაცა ახალი სტრატეგია, რომელიც შეიძლება მათ ჰქონდეთ.

როგორც გვახსოვს, ხშირად აქვთ ასეთი პოზიცია, რომ მათ უტევენ, მათ ებრძვიან. შეიძლება ითქვას რესპუბლიკური პარტია ელიტარული ტიპის პარტიაა, რომელიც პოლიტიკაში ჩართულ ინტელქტუალურ წრეებს არ მოსწონთ, იმიტომ, რომ თვითონ რესპუბლიკებელი ინტელექტუალური გუნდია, მაგრამ შეიძლება ყოველთვის ფართე მასებს არ ესმოდეთ ამ გუნდის ღირებულება.

თანაც პოპულისტები არ არიან და არ იბრძვიან ფართე აუდოტორიის მოსაზიდად. თუმცა, პოლიტიკით დაინტერესებული ადამიანისთვის მნიშვნელოვანნი არიან, რაც კარგად გამოჩნდა მაშინაც, როდესაც ივანაიშვილმა სწორედ რესპუბლიკელებთან თანამშრომლობა მოინდომა. მან დაინახა მათი ღირებულება. მაგრამ, ამ მდგომერობამ, რომ ხშირად თავის მართლების რეჟიმში უწევთ ყოფნა, გაუჩინა ასეთი, აქეთ შემტევი ხასიათი.

თქვენ თვლით, რომ ბერძენიშვილის ეს განცხადება არ მიანიშნებს იმაზე, რომ რესპუბლიკელებმა შესაძლოა კოალიცია დატოვონ? შეგახსენებთ ბიძინა ივანიშვილის განცხადებას, როდესაც მან თქვა, რომ იგივე პარტიები, რომლებიც დღეს კოალიციაში არიან, შექმნიან მრავალპარტიულ პარლამენტსო...

- თუ მათ ამ მიმართულებით გააგრძელეს სვლა, შეიძლება არ იყოს ეს ცუდი ვერსია. ეს დემოკრატიის ხარისხსს გაზრდის, მაგრამ გაუჭირდებათ. არ გამოვრიხავ, რომ მივიღოთ ისეთი სიტუაცია, როცა გაყოფილმა ხმებმა და საზოგადოების ნიჰილიზმმა პარლამენტის დაკომპლექტების საშუალებას არ მისცეს ქვეყანას.