ნიკა გვარამიამ დღეს გადაწყვიტა, რომ ვითომ გაემიჯნოს "ნაციონალურ მოძრაობას" და მიუმხრობელი, შუაშისტური ამომრჩევლის ხმებზე ინადიროს, მაგრამ, ამ შემთხვევაში, მისი ეს მცდელობა არის განწირული, იმიტომ, რომ ნიკა გვარამია არა უბრალოდ სახე იყო "ნაციონალური მოძრაობის", არა უბრალოდ გამხმოვანებელი იყო მათი მესიჯების, არამედ იყო ერთ-ერთი შემოქმედი იმ ბოროტებისა, რომელსაც ერქვა სააკაშვილის ხელისუფლება და სააკაშვილის მმართველობა, – ამის შესახებ "ხალხის ძალის" ერთ-ერთმა ლიდერმა, სოზარ სუბარმა განაცხადა.
სუბარი გვარამიას სააკაშვილის რეჟიმის ერთ-ერთ მთავარ დამნაშავეს" უწოდებს.
"ფაქტია, რომ "იმედში" შეჭრასთან დაკავშირებით, სწორედ ის ახმოვანებდა ხელისუფლების პოზიციას და, გახმოვანებასთან ერთად, ის ადგენდა იმ ბოროტ სქემებს. ამას ის ვერ ჩამოირეცხავს ვერასდროს და რაც არ უნდა დღეს ვითომ აღიარებები ჰქონდეს, თუ არ იქნება აღიარება სასამართლოს წინაშე და თუ არ იქნება სინანული ამ ყველაფრის გამო გამოთქმული, ბუნებრივია, ის დარჩება ამ რეჟიმის არა მხოლოდ სახედ, არამედ ერთ-ერთ მთავარ დამნაშავედ", – განაცხადა სოზარ სუბარმა.
![ვრცელდება ვიდეო, სადაც ჩანს, როგორ ურტყამს ზვიად რატიანი ხელს პოლიციელს [video]](https://for.ge/uploads/images/thumbs/1750865324_303596.png)
