„აგვისტოს ომის ასე მალე დამთავრება ტოვებს შთაბეჭდილებას, რომ ამ ომის კულუარებში ისეთი რამ ხდებოდა, რაც არ ჩანდა. ფაქტია, 90-იან წლებში, აფხაზეთის ომის დროს, საქართველომ წელიწადზე მეტხანს გაუძლო რუსეთთან დაპირისპირებას, აგვისტოს ომის დროს კი ორ დღეში გამოიყვანეს მეთაურები უკან. ამის მიუხედავად, მე მგონი, გონივრული იქნება, დამთავრდეს რუსეთ-უკრაინის ომის ეს დიდი მონაკვეთი და ამის შემდეგ გადაწყდეს, საქართველომ როგორ შეიძლება დააყენოს საკითხი რუსეთის მიმართ, როდესაც რუსეთთან ომს ეხება საქმე“, - აცხადებს for.ge-სთან საუბრისას ანალიტიკოსი რამაზ საყვარელიძე.
პარლამენტმა შესაძლოა აგვისტოს ომის შემსწავლელი კომისია შექმნას. ოპოზიცია აცხადებს, რომ ეს არის კრემლის დირექტივის შესრულება და ამ სახიფათო თამაშის წამოწყებით ხელისუფლება აკეთებს იმას, რაც ესიამოვნება რუსეთს. 2008 წელს შექმნილი პარლამენტის ტენდენციური კომისიის შემდეგ რამდენად აუცილებელია აგვისტოს ომის კომისიის შექმნა განმეორებით, რომლის ინიციატორიც ფრიდონ ინჯიაა?
- ფრიდონ ინჯიას ეს აზრი ადრეც აქვს გამოთქმული, იმ პერიოდის ბევრმა მოვლენამ გაიარა მის თვალწინ და, ეტყობა, მას სურს, თავისი შთაბეჭდილებები, რომლებიც ნაწყვეტ-ნაწყვეტ აქვს, რაღაც სისტემაში მოაქციოს, რაშიც აგვისტოს ომის შემსწავლელი კომისია დაეხმარება. ადამიანურად ეს პოზიცია გასაგებია. ადამიანურად ბევრს აქვს ეს სურვილი, რომ 2008 წლის ამბავი გაიხსნას, მაგრამ, მე მგონი, ცოტა ნაადრევია აგვისტოს ომის თემასთან სწორედ ახლა შეთამაშება. დავაკვირდეთ ოპოზიციის რეაქციას ამასთან დაკავშირებით, ოპოზიციამ დაასკვნა, რომ აგვისტოს ომის შემსწავლელი კომისიის შექმნა პუტინის დაკვეთაა, ამით მათ იმის პრევენცია გააკეთეს, რომ ამ მოვლენაში შეიძლება სააკაშვილი, გარკვეულწილად, იყოს დამნაშავე, თუ ვინ დაიწყო ომი, ამ თემის კონტექსტში. სააკაშვილის დამნაშავედ მიჩნევამ შეიძლება უფრო რთული სიტუაცია მოიტანოს, რადგან, ფაქტია, 90-იან წლებში საქართველო იბრძოდა და, თუ არ ვცდები, წელიწადზე მეტხანს გაუძლო რუსეთთან დაპირისპირებას, აგვისტოს ომის დროს კი ორ დღეში გამოიყვანეს მეთაურები უკან. ასეთი დიდი განსხვავება საბრძოლო პერიოდს შორის კითხვებს აჩენს, მით უმეტეს, 2008 წლის არმია გაცილებით უკეთეს შთაბეჭდილებას ტოვებდა შეიარაღების, მომზადების თვალსაზრისით. ამდენად, ასე მალე ომის დამთავრება ტოვებს შთაბეჭდილებას, რომ ამ ომის კულუარებში რაღაც ისეთი ხდებოდა, რაც არ ჩანდა.
სწორედ აგვისტოს ომს უკავშირდება იარაღის გაყიდვის ბიზნესით ხელის მოთბობა, კეზერაშვილის გამდიდრება აგვისტოს ომის შემდეგ... საუბრობენ ისრაელთან კეზერაშვილის კონტაქტებზე, სადაც იარაღით ვაჭრობის ყველაზე დიდი შავი ბაზარი არსებობდა.
- დიახ, ამ პერიოდს ეკუთვნის ეს მოვლენები, ამას ემატება ისიც, რომ ამერიკული მთელი შეიარაღება ხელუხლებლად გადაეცა რუსეთს, რუსეთისთვის გადასაცემად გამზადდა ის რეგიონები, რომლებიც ადრე არ ითვლებოდნენ არც აფხაზეთის ტერიტორიად და არც ცხინვალის რეგიონად, პრაქტიკულად, ამ ჩაბარების შემდეგ უფრო დიდი სივრცე მიიღო თითოეულმა ამ სეპარატისტულმა რეგიონმა, ვიდრე მანამდე ჰქონდა. ეს ყველაფერი სავარაუდოს ხდის, რომ არ არის ამ ომის ამბავი ისე მარტივი მოსაყოლი, თითქოს პროვოკაციას წამოეგო სააკაშვილი და შევარდა ცხინვალში, მაშინ რატომ არ შეჰყვა ბოლომდე? 90-იან წლებშიც საქართველო პროვოკაციას წამოეგო, მაგრამ მთელი წელიწადი იბრძოდა, ახლაც რატომ არ მოხდა იგივე? ასე რომ, კითხვის ნიშნები ისეთია, რამაც შეიძლება ქართული თემის გარდა სხვა თემებზეც გაიყვანოს გამოძიება, მაგალითად, რუსეთზე.
იმის გათვალისწინებით, რომ საქართველოს ხელისუფლებას არ სურს მეორე ფრონტის გახსნა და რუსეთის გაღიზიანება, რამდენად მოსალოდნელია, რომ რუსეთის დანაშაულების თემა აგვისტოს ომთან მიმართებით გააქტიურდეს?
- თუკი რუსეთი დამნაშავე აღმოჩნდება, მე მგონი, ქართული მხარე ამას ასე ადვილად ვერ წამოსწევს წინა პლანზე, მით უმეტეს, ახლა, როდესაც რუსეთს იარაღისკენ უჭირავს თვალი. საკმარისია რაიმეთი უკმაყოფილო აღმოჩნდეს რუსეთი, რომ შეუძლია ნახევარ საათში გადაკეტოს მთელი საქართველო, აგერ არის მისი განაყოფები. ამიტომ ეს საქმე ისევ და ისევ რუსეთის ნერვებზე თამაში იქნება და ხომ ხედავთ, რომ ვერიდებით რუსეთის ნერვებზე თამაშს სწორედ იმიტომ, რომ ძალიან ახლოსაა მათი ქვედანაყოფები. თუკი რუსეთს ვერიდებით, მაშინ ამ საქმის წამოწყებაც ზედმეტი მგონია.
აგვისტოს ომის საგამოძიებო კომისიის შექმნის ინიციატორი იმასაც ამბობს, რომ ამერიკამ ჯერ კიდევ აგვისტოს ომში გაწირა საქართველო, ახლა კი უკრაინა და მთელი ევროპა გაწირა. ეს ნიშნავს, რომ ამ ომში ამერიკის ინტერესიც სოლიდური იყო, რომლის მიმართაც ისმის კიდევ ერთი ბრალდება, რომ ამერიკამ ევროპა და რუსეთი აგვისტოს ომით ერთმანეთს დააშორა და ამით სარგებელი ნახა. აგვისტოს ომის თემის წამოწევა ხომ არ იქნება გადაჯაჭვული სააკაშვილის გათავისუფლების მოთხოვნასთან, რასაც ასე დაჟინებით ითხოვს დასავლეთი, რაც ეჭვს ბადებს, რომ დასავლეთს სააკაშვილის წაყვანა იმიტომ სურს, რომ მან აგვისტოს ომის შესახებ ყველაფერი არ დაფქვას. ალბათ, შემთხვევითი არ არის კონდოლიზა რაისის განცხადება, სააკაშვილმა თბილისამდე არ მოუშვა მტერიო.
- სააკაშვილს ნუ დავუკარგავთ იმ შეძახილს - მიშველეთო, როდესაც მან აგვისტოს ომის დროს ცივილიზებულ სამყაროს დასახმარებლად მოუხმო. მეც ისევე ვფიქრობ, როგორც თქვენ ბრძანეთ, რომ ვიღაცებს ძალიან უნდათ, სააკაშვილი არ იყოს სამიზნესავით თვალში საცემი ფიგურა და მოაშორონ პოლიტიკური პროცესების სცენას, მაგრამ არა მგონია, ეს ამერიკის ინტერესი იყოს, არც ის მგონია, რომ ამერიკამ 2008 წელს ჩვენ გაგვწირა. მაშინ, ალბათ, საკითხავია, ან 2008 წელს, ან უკრაინის ომის დროს ამერიკის ინტერესი რა იყო? გაწირვას აზრი აქვს მაშინ, როცა რაღაცას იგებ. ამდენად, ამერიკის ინტერესი რა იყო, ეს ცოტა ბუნდოვანია. ზოგიერთები იძახიან, რომ იმ პერიოდში ამერიკაში „რესპუბლიკელებს“ ჰქონდათ ინტერესი, ანტირუსული განწყობილებები სჭირდებოდათ და ამიტომ უნდოდათ ომი, მაგრამ, ჯერ ერთი, იმ ომის მომზადება გაცილებით ადრე დაიწყო და, მეორეც, გამოდის, რომ „რესპუბლიკელებზე“ მუშაობდა რუსეთი? ამ თეორიის შემთხვევაში, ცოტა ოდიოზური ვარიანტები გამოვა.
არსებობს ჰაიდი ტალიავინის კომისიის დასკვნა, რომელიც სააკაშვილის მხრიდან პოლიტიზირებულად შეფასდა, არის ფატი ბენსუდას დასკვნაც და სხვა დასკვნები, საინტერესოა, ამჯერად ეს კომისია ხომ არ იქნება მაშინდელი კომისიის ანტიპოდი, ან მთელ რიგ საკითხებში იმ კომისიის განმეორება? მით უმეტეს, სააკაშვილმა თავად შექმნა პაატა დავითაიას არაქმედითი კომისია, შიშობდა რა, რომ პირუთვნელი კომისია ოდესღაც მართლაც შეიქმნებოდა.
- შეიძლება, მაშინდელი კომისიის განმეორება იყოს ახლანდელი კომისია, ან შეიძლება ამხილოს მაშინდელი კომისიის დასკვნა, ან სულაც ნარევი იყოს, მაგრამ უსიამოვნებების გარდა ეს არაფერს მოუტანს საქართველოს. ჯერ ადრეა ასეთი კომისიების შექმნა.
ისტორიას უყვარს დაღვინება. თქვენი აზრით, გონივრული ვადა რა იქნება, როდის უნდა შეიქმნას მსგავსი კომისიები?
- მე მგონი, უპირველეს ყოვლისა, გონივრული ვადა იქნება, დამთავრდეს რუსეთ-უკრაინის ომის ეს დიდი მონაკვეთი, დასრულდეს თავისი პოლიტიკური წონითა და მსხვერპლით ეს დიდი მონაკვეთი და ამის შემდეგ გადაწყდეს, საქართველომ როგორ შეიძლება დააყენოს საკითხი რუსეთის მიმართ, როდესაც რუსეთთან ომს ეხება საქმე. თანაც, გავიხსენოთ, აფხაზეთში მაინც ფარული ომი იყო, რუსეთი მაშინ ფარულად მონაწილეობდა, აგვისტოს ომში კი ღია ომი იყო. ახლა ერთი ომი აქვს რუსეთს უკრაინასთან, გვეუბნებიან, მეორე ფრონტი აღარ გვინდა გავხსნათ და არ გვინდა გავაღიზიანოთ რუსეთიო და ახლა ამ კომისიის შექმნა განა შეიძლება? ეს ხომ მეორე ფრონტზე უარესია?!
რუსეთი თავის მიზანს მაინც მიაღწევდა, დიდი მსხვერპლის ფასად იქნებოდა, თუ პატარა.
კონფლიქტამდე არ უნდა მისულიყო, თორემ დანარჩენი უკვე ,,ტექნიკის საქმე" იყო.
სააკაშვილის ბრალეულობას მხოლოდ ბრიყვი ვერ დაინახავს.
როცა დაამთავრა არმიის სწავლება რუსეთმა, როცა მიაყენა დაქოქილი ტანკები გვირაბს, როცა დაცალეს ცხინვალი მოსახლეობისგან, მაშინ გაახსენდა კონსტიტუციური წესრიგი.
ჩალაგებული კარტის არევა და გახსნა გინდათ და ეგ არ აწყობს.
მაგ პრინციპით და მიზნით დაიწყო ვითომ უკრაინა-რუსეთის დაპირისპირება.
ამერიკას ყველაფრის თავი და ყველა შემთხვევაში ამერიკა იგებს.
მხოლოდ ერთში შეიძლება წააგოს: თუ პირდაპირ დარტყმას მიიღებს რუსეთისგან.
გეოპოლიტიკაში გაკვეთილის ჩატარების არანაირი ვალდებულება არ მაქვს. მითუმეტეს - იდიოტებისთვის.
იკითხეთ, იფიქრეთ და იქნებ იდიოტური დასკვნები აღარ მოგახვიოთ თავს ლიბერალურ-პედარასტულმა ტელევიზიებმა.
აბაა! ძნელია ფიქრი, როცა ჩვევა არ გაქვს.
აბაა, ასეთია სტრატეგიული გეგმა და ინტერესები; ათწლეულიბით წინ გეგმავენ, რა უნდათ და რა უნდა გააკეთონ.
გაზსადენის აფეთქება რომ ამერიკის და ბრიტანეთის ნამოქმედარია, თვითონაც არ უარყოფენ. ამერიკულ ტელე არხს, ფოქს ნიუსს მოუსმინეთ და დასაბუთებულად ხსნის, ვინ ააფეთქა გაზსადენი.
დაანებეთ ლიბერალურ ტელევიზიებს თავი. სიმართლეს მანდ ვერ გაიგებთ. ფაქტს საერთოდ არ იტყვიან. ვითომც არ არსებობს. არ შეიძლება ტვ პირველის და მთავარის მიწვეულ " ანალიტიკოსებით" სამყაროს უყურო! აჩლუნგებს გონებას და თვალებს აბრმავებს!