UEFA-ს პრეზიდენტი მიშელ პლატინი საქართველოს პრემიერ-მინისტრს წერილს უგზავნის.
მიშელ პლატინის თქმით, მას სჯერა, UEFA-სა და საქართველოს მთავრობის ერთობლივი მხარდაჭერით, ფეხბურთი სწრაფად განვითარდება საქართველოში.
"ძვირფასო პრემიერ-მინისტრო, ძვირფასო ირაკლი, დღესაც აქტუალურია ის მოგონებები, რომლებიც თბილისში გამართულ დიდი სუპერთასის ღონისძიებას უკავშირდება. დარწმუნებული ვარ, ქართველ ხალხსაც დიდხანს ემახსოვრება იმ დღის ემოციები. მსგავს წარმატებას სუპერთასის ორგანიზების საქმეში, პირველ რიგში, უნდა ვუმადლოდეთ თანამშრომლობას UEFA-სთან, საქართველოს ფეხბურთის ფედერაციასა და ქვეყნის ხელისუფლებასთან, რაც სწორედ თბილისში მოხდა. მე გულწრფელად მჯერა, რომ ეს თანამშრომლობა კვლავაც შენარჩუნდება და მომავალში კიდევ უფრო განმტკიცდება იმისათვის, რომ საქართველოში ფეხბურთი წარმატებული იყოს.
ჩვენ ასევე გვქონდა შესაძლებლობა, შევხვედროდით ერთმანეთს არა მარტო თქვენს ოფისში ან სტადიონზე, არამედ სადილის დროსაც, რომელზეც თქვენ, თქვენი კეთილი ნებით, UEFA-ს აღმასრულებელი კომიტეტის წევრებს უმასპინძლეთ. მე შევამჩნიე და ეს მახარებს, რომ თქვენ მონდომებული ხართ ხელი შეუწყოთ ფეხბურთის განვითარებას თქვენს ქვეყანაში.
გარდა ამისა, პირისპირ შეხვედრისას ჩვენ განვიხილეთ სხვა რამდენიმე მნიშვნელოვანი საკითხიც და მე მოხარული ვარ, რომ ამ კუთხითაც მივაღწიეთ ურთიერთგაგებას. მე წინადადება შემოგთავაზეთ ქართული ფეხბურთის საუკეთესო ინტერესებიდან გამომდინარე და როგორც ჩანს, ჩვენი შეთანხმება ყველაზე შესაფერისი გადაწყვეტილება იყო ყველასთვის. მჯერა, რომ UEFA-სა და თქვენი მთავრობის ერთობლივი მხარდაჭერით, ფეხბურთი სწრაფად განვითარდება საქართველოში, სადაც უდავოდ არსებობს ამის დიდი პოტენციალი. პატივისცემით, UEFA-ს პრეზიდენტი მიშელ პლატინი", - აღნიშნულია წერილში.
