ჯანდაცვის მინისტრმა დავით სერგეენკომ, იმერეთის გუბერნატორთან ერთად, იმერეთის რეგიონალურ კლინიკურ საავადმყოფოში დაშავებულები მოინახულა და მათი ჯანმრთელობის მდგომარეობით დაინტერესდა.
როგორც სერგეენკო აცხადებს, სასწრაფო სამედიცინო დახმარების ეკიპაჟში მსხდომების დაზიანებები მსუბუქია, სამართალდამცველების კი, _ შედარებით მძიმე.
"დღეის მდგომარეობით, ქუთაისის საავადმყოფოში რეანიმაციულ განყოფილებაში, მკურნალობას გადის 2 პოლიციელი, მათი მდგომარეობა სერიოზულ მკურნალობას საჭიროებს, რადგან დაზიანების ხარისხი მათთან დიდი იყო. ამავე საავადმყოფოში მკურნალობას გადის სასწრაფო სამედიცინო დახმარების ექთანი, მისი მდგომარეობა დამაკმაყოფილებელია. რაც შეეხება ექიმს, ის ფოთის საავამდყოფოში მკურნალობს", - განაცხადა დავით სერგეენკომ.
შეგახსენებთ, რომ გუშინ საღამოს, გრიგოლეთში მომხდარი ავტოსაგზაო შემთხვევის შედეგად 7 ადამიანი გარდაიცვალა, 5 კი, დაშავდა. დაშავებულთა შორის სამი პოლიციის თანამშრომელია.
