თურქეთის ქალაქ დოგუბაიაზიტის პოლიციის განყოფილებასთან ტრაქტორი ააფეთქეს, რომელშიც ორი ტონა ასაფეთქებელი ნივთიერება იყო დამონტაჟებული. ამის შესახებ "ასოშიეითიდ პრესი" იუწყება.
აფეთქების შედეგად ორი ადამიანი დაიღუპა, 24 კი - დაიჭრა. ამ დროისთვის ყველა მათგანი ჰოსპიტალიზებულია.
ადგილობრივი მედიის მონაცემებით, ტერაქტი ორგანიზებული იყო ქურთი ამბოხებულების ორგანიზაცია "ქურთთა მუშათა პარტიის" მიერ. ქალაქი დოგუბაიაზიტი ირანის საზღვართან მდებარეობს.
