"ერთიანი ნაციონალური მოძრაობის" წარმომადგენლები მომავალ კვირას უკრაინაში გამგზავრებასა და მიხეილ სააკაშვილთან კონსულტაციების გამართვას გეგმავენ.
სავარაუდოდ, პარტიის თავმჯდომარეობასთან დაკავშირებული საკითხი სააკაშვილთან შეხვედრის შემდეგ გადაწყდება.
ამასთან, პარტიის ერთ-ერთი ლიდერის, მიხეილ მაჭავარიანის ცნობით, ამ მხრივ იურიდიულ პროცედურებს ელოდებიან.
მაჭავარიანის ინფორმაციით, მოქმედი კანონმდებლობით მიხეილ სააკაშვილი საქართველოს მოქალაქეა, ხოლო მისთვის მოქალაქეობის შეწყვეტის საკითხი დაკავშირებულია პროცედურასთან, რაც თავის მხრივ, პოლიტიკურ ნებაზეა დამოუკიდებული.
როგორც მაჭავარიანი აცხადებს, მთავრობას შეუძლია, მიხეილ სააკაშვილს საქართველოს მოქალაქეობა შეუნარჩუნოს, კერძოდ კი, მას საქართველოს მოქალაქეობა ყოველგვარი მიმართვის გარეშე მიანიჭოს.
"საქართველოს იუსტიციის სამინისტრომ უნდა დაიწყოს პროცედურები. აღნიშნული გადაწყვეტილება ორი ქვეყნის მთავრობას არ მოეწონა, ერთია, რუსეთის პრემიერ-მინისტრი და მეორე საქართველო პრეზიდენტი და იუსტიციის მინისტრი. იუსტიციის მინისტრმა უნდა მოიკვლიოს საბუთები და პრეზიდენტს მიმართოს შუამდგომლობით, მიხეილ სააკაშვილისთვის საქართველოს მოქალაქეობის შეწყვეტასთან დაკავშირებით. დაველოდოთ ამ გადაწყვეტილებას. ჩვენ ველოდებით, რომ ეს პოლიტიკურად მოტივირებული გადაწყვეტილება იქნება. საკითხს გადაწყვეტს ბიძინა ივანიშვილი", - აცხადებს მიხეილ მაჭავარიანი.
