"ქართული ოცნება - დემოკრატიული საქართველოს" პოლიტსაბჭოს სხდომაზე საუბარი პარტიის სტრუქტურული რეორგანიზაციის საკითხსაც შეეხო. ამის შესახებ ინფორმაციას საქართველოს მთავრობის ადმინისტრაციის პრესსამსახური ავრცელებს.
"სხდომაზე ერთ-ერთი განსახილველი თემა იყო სამზადისი შუალედური არჩევნებისთვის, რომელიც მარტვილისა და საგარეჯოს მაჟორიტარულ ოლქებში გაიმართება. საუბარი პარტიის სტრუქტურული რეორგანიზაციის საკითხსაც შეეხო", _ აცხადებენ საქართველოს მთავრობის ადმინისტრაციის პრესსამსახურში.
პარტიის პოლიტსაბჭოს სხდომა დღეს "ქართული ოცნების" ცენტრალურ ოფისში გაიმართა, რომელსაც პრემიერი ირაკლი ღარიბაშვილი ხელმძღვანელობდა.
სხდომაზე საარჩევნო სისტემის რეფორმასა და საორგანიზაციო საკითხებზე იმსჯელეს.
