თბილისის საქალაქო სასამართლოში ე.წ. კორტების სპეცოპერაციის საქმეზე დაკავებულების პროცესის დაწყებამდე ხმაური იყო. შელაპარაკება ბრალდებულებისა და ვაზაგაშვილის ახლობლებს შორის მოხდა.
იური ვაზაგაშვილის დამ მანანა ვაზაგაშვილმა ბრალდებულები მკვლელებად მოიხსენია, რასაც დაკავებულების ოჯახის წევრების რეაქცია მოჰყვა.
"პოლიციელს იარაღი უნდა ეჭიროს და არა შპრიცი და ნარკოტიკი. თქვენი ძმა კი წამალს ყიდიდა",- მიმართა ერთ-ერთი ბრალდებულის ახლიბელმა, მანანა ვაზაგაშვილს.
ამასთან, ცნობილი გახდა, რომ კორტების საქმეზე დაკავებული 11 პირის საქმე გაიყო. დაკავებულების: ფირცხალავას, ნაკანის, ბეროძის, ცააძის და კვინიკაძის საქმე ერთად განიხილება, დანარჩენი 6 სპეცრაზმელის კი - ცალკე.
