ოსიაურთან მომხდარი ავარიის შედეგად სამი ადამიანი დაიღუპა. როგორც "ინტერპრესნიუსს" შინაგან საქმეთა სამინისტროს პრესსამსახურში განუცხადეს, ავარიის შედეგად ასევე დაშავდა ორი პირი.
ავარიის დროს ერთი ოჯახის სამი წევრი - დედა, მამა და შვილი დაიღუპნენ.
ოსიაურთან, ერთმანეთს ორი მსუბუქი ავტომობილი შეეჯახა. ჯერ უცნობია ავტოავარიის გამომწვევი მიზეზები.
მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
