შინაგან საქმეთა ყოფილმა მინისტრმა ვანო მერაბიშვილმა და დედაქალაქის ყოფილმა მერმა გიგი უგულავამ თბილისის საქალაქო სასამართლოში მიმდინარე სხდომა დატოვეს.
როგორც "ინტერპრესნიუსის" კორესპონდენტი სასამართლოდან იუწყება, მანამდე ვანო მერაბიშვილმა და გიგი უგულავამ პროცესზე პოლიტიკური განცხადებები გააკეთეს, რასაც სხდომათა დარბაზში მყოფ პირთა მხრიდან ტაში მოჰყვა.
მერაბიშვილისა და უგულავას მიერ სასამართლო სხდომის დატოვების შემდეგ სხდომათა დარბაზიდან მათი ახლობლებიც გავიდნენ, რომლებიც პროცესს ესწრებოდნენ.
თბილისის საქალაქო სასამართლოში 7 ნოემბრის საქმეზე გიგი უგულავას, ვანო მერაბიშვილის, დავით კეზერაშვილისა და ზურაბ ადეიშვილის წინააღმდეგ წინასასამართლო სხდომა მიმდინარეობს.
