საქართველოს პრემიერ-მინისტრი ირაკლი ღარიბაშვილი მესაზღვრეებს პროფესიულ დღეს ულოცავს. "ვულოცავ ამ დღეს საქართველოს სასაზღვრო ძალებს, თითოეულ მესაზღვრეს!
თქვენ ურთულეს პროფესიას ემსახურებით და ძალიან საპატიო მისია გაკისრიათ. თქვენ დგახართ ჩვენი სახელმწიფოს უსაფრთხოების სადარაჯოზე და საქართველოს მიწა-წყალს იცავთ. თქვენ ხართ ჩვენი ქვეყნის ერთგული გუშაგები. სამშობლოს გუშაგობას განსაკუთრებული ვაჟკაცობა და პატრიოტიზმი სჭირდება. სწორედ თქვენნაირი პატრიოტების იმედი აქვს ჩვენს ქვეყანას. ვიცით, თავს არ ზოგავთ იმისათვის, რომ საიმედოდ იყოს დაცული საქართველოს ყოველი მხარე, ყველა კარიბჭე. კიდევ ერთხელ გილოცავთ ყველას, გისურვებთ პირველ რიგში მშვიდობას, წარმატებებს და საქართველოს გაძლიერებას", -აღნიშნულია პრემიერ-მინისტრის მილოცვაში.
