პრეზიდენტის მიერ დანიშნულ პარლამენტის რიგგარეშე სხდომასთან დაკავშირებით პარლამენტის თავმჯდომარე განცხადებას გააკეთებს. დავით უსუფაშვილის ბრიფინგი 15:00 საათისთვის არის დანიშნული.
საქართველოს პრეზიდენტმა გიორგი მარგველაშვილმა პარლამენტის რიგგარეშე სხდომის 13 მარტს დანიშვნასთან დაკავშირებით განკარგულება გუშინ გამოსცა. ქვეყნის პირველ პირს რიგგარეშე სხდომის დანიშვნის მოთხოვნით საპარლამენტო უმცირესობამ, კერძოდ დეპუტატების ¼-მა მიმართა, რაც მარგველაშვილმა ამ შემთხვევაში გაითვალისწინა.
როგორც მმართველი უმრავლესობის წარმომადგენლები აცხადებენ, ისინი რიგგარეშე სხდომაში მონაწილეობის მიღებას არ აპირებენ.
