უკრაინის უშიშროების სამსახურმა უმაღლეს რადასთან დაგეგმილი ტერაქტი აღკვეთა

უკრაინის უშიშროების სამსახურმა უმაღლეს რადასთან დაგეგმილი ტერაქტი აღკვეთა

უკრაინის უშიშროების სამსახურმა კიევში დაგეგმილი ტერორისტული აქტი აღკვეთა. "უნიანის" ცნობით, ამის შესახებ ქვეყნის უსაფრთხოების სამსახურის ხელმძღვანელმა, ვალენტინ ნალივაიჩენკომ განაცხადა.

"ჩვენ ამოვიღეთ დიდი რაოდენობის იარაღი, რომელიც კიევთან ახლოს იყო დამალული და რომელიც ხუთშაბათს თავდასხმისთვის უნდა გამოეყენებინათ", - აღნიშნა ნალივაიჩენკომ. 

მისივე თქმით, ასაფეთქებელი მოწყობილობები უმაღლეს რადასთან იმ დროს უნდა გაეაქტიურებინათ, როდესაც საკანონმდებლო ორგანოში დონეცკისა და ლუგანსკის ე.წ სახალხო რესპუბლიკების ტერორისტულ ორგანიზაციებად გამოცხადების შესახებ განხილვა დაიწყებოდა.