საქართველოს საგარეო საქმეთა მინისტრის პირველი მოადგილე, დავით დონდუა ეუთო-ს საპარლამენტო ასამბლეის გენერალურ მდივანს სპენსერ ოლივერს შეხვდა.
მხარეებმა საქართველოსა და მთელს რეგიონში არსებულ უსაფრთხოების სიტუაციაზე ისაუბრეს.
განსაკუთრებული ყურადღება ოკუპირებულ ტერიტორიებზე მიმდინარე მოვლენებს, კერძოდ, რუსეთსა და აფხაზეთს შორის გაფორმებულ ე.წ ხელშეკრულებას დაეთმო.
შეხვედრის ერთ-ერთ მთავარ თემას წარმოადგენდა ეუთოს 2016 წლის საგაზაფხულო სესია, რომელიც თბილისში გაიმართება.
როგორც შეხვედრის შემდეგ ჟურნალისტებს საქართველოს საგარეო საქმეთა მინისტრის პირველმა მოადგილემ, დავით დონდუამ განუცხადა, ეუთო-ს საპარლამენტო ასამბლეის გენერალური მდივნის ვიზიტის მთავარი მიზანი იყო მომავალ წელს თბილისში დაგეგმილი საზაფხულო სესიისთვის მომზადება.
"მიმოვიხილეთ უსაფრთხოების სიტუაცია რეგიონსა და საქართველოში. რა თქმა უნდა ძირითადი ყურადღება დაეთმო ოკუპირებულ ტერიტორიებზე მიმდინარე მოვლენებს, ე.წ. ხელშეკრულებებს, რომელსაც უკვე მოწერა ხელი სოხუმში და ალბთ მოეწერება ხელი ცხინვალში. ვისაუბრეთ ამ ტერიტორიებზე არსებულ ჰუმანიტარულ სიტუაციაზე და იმ როლზე, რომელიც შეიძლება შეასრულოს ეუთო-მ და განსაკუთრებით ეუთო-ს საპარლამენტო ასამბლეამ", - განაცხადა დავით დონდუამ.
