საფრანგეთის პრეზიდენტი ფრანსუა ოლანდი შინაგან საქმეთა სამინისტროში მივიდა, სადაც საფრანგეთის ჩრდილო-აღმოსავლეთით მიმდინარე ოპერაციასთან დაკავშირებით საგანგებო სხდომა მიმდინარეობს.
შეხვედრაში მონაწილეობას საფრანგეთის პრემიერ-მინისტრი მანუელ ვალსი, შინაგან საქმეთა მინისტრი ბერნარ კაზნევი და ძალოვანი უწყებების წარმომადგენლები იღებენ.
პარიზის ჩრდილო-აღმოსავლეთით მდებარე ქალაქ დამარტენ-ან-გოელში საფრანგეთის პოლიცია Charlie Hebdo-ს რედაქციაზე თავდასხმაში ეჭვმიტანილების სამძებრო ოპერაციას ატარებს. პოლიციელები მანქანას დაედევნენ, რომლებშიც ერთ-ერთი ვერსიით, Charlie Hebdo-ს რედაქციაზე თავდასხმაში ეჭვმიტანილი ძმები კუაშები იმყოფებოდნენ. თავდამსხმელები ერთ-ერთ კომპანიის ოფისში შეიჭრნენ და მძევლები აიყვანეს.
ოპერაციის მიმდინარეობაში ვერტმფრენები ჩაერთნენ.
