პარიზის პროკურატურა Charlie Hebdo-ს რედაქციაზე თავდამსხმელთა დაკავების ოპერაციისას ადამიანების დაღუპვის შესახებ ინფორმაციას არ ადასტურებს.
მანამდე "როიტერმა" გაავრცელა ინფორმაცია, რომ სულ მცირე ერთი ადამიანი დაიღუპა და რამდენიმე დაიჭრა პარიზის ჩრდილო-აღამოსავლეთით სროლის შედეგად, ხოლო გაზეთ Le Parisien-ის ინფორმაციით, გარდაცვლილია ორი ადამიანი.
პარიზის ჩრდილო-აღმოსავლეთით მდებარე ქალაქ დამარტენ-ან-გოელში საფრანგეთის პოლიცია Charlie Hebdo-ს რედაქციაზე თავდასხმაში ეჭვმიტანილების სამძებრო ოპერაციას ატარებს. თავდამსხმელები ერთ-ერთ კომპანიის ოფისში შეიჭრნენ და მძევლები აიყვანეს.
სამართალდამცავებმა ქალაქის მცხოვრებლები გააფრთხილეს, რომ მათი უსაფრთხოებიდან გამომდინარე, სახლებში დარჩნენ.
ოპერაციის მიმდინარეობაში ვერტმფრენები ჩაერთნენ.
