უკრაინის სამთავრობო ძალებმა ლუგანსკი და დონეცკის ოლქის ქალაქი დებალცევო დატოვეს. ამის შესახებ ინფორმაციას უკრაინული მედია ავრცელებს.
ბატალიონ "კიევი 12"-ის მეთაურის ანტონ შაპოვალოვის განცხადებით, ანტიტერორისტული ოპერაციის ძალებმა დატოვეს ტრორისტების მიერ დაკავებული ლუგანსკი. მისივე თქმით, ღამით "ბოევიკებმა" ბატალიონის ბანაკი გაანადგურეს და უკრაინელი სამხედროები, იძულებული გახდნენ ქალაქი დაეტოვებინათ.
ამასთან, უკრაინის ეროვნული უშიშროებისა და თავდაცვის საბჭოს ინფორმაციით, ანტიტერორისტული ოპერაციის მიმდინარეობისას 837 უკრაინელი ძლოვანი დაიღუპა, 3 ათასი კი დაიჭრა.
