აშშ-ი არ აღიარებს აფხაზეთის ე.წ. საპრეზიდენტო არჩევნებს და არ სცნობს მის შედეგებს. ამის შესახებ აშშ-ის სახელმწიფო დეპარტამენტის წარმომადგენელმა ჯენ ფსაკიმ განაცხადა. "ჩვენი პოზიცია აფხაზეთთან და ე.წ. სამხრეთ ოსეთთან მიმართებაში ცხადი რჩება: ეს რეგიონები საქართველოს განუყოფელი ნაწილია. კიდევ ერთხელ მოვუწოდებთ რუსეთს, შეასრულოს ის ვალდებულებები, რომელიც 2008 წელს ცეცხლის შეწყვეტის შეთანხმებით აქვს დაკისრებული, რაც ითვალისწინების რუსეთის ჯარების გაყვანას კონფლიქტამდე არსებულ პოზიციებზე, საქართველოს რეგიონების დამოუკიდებელ სახელმწიფოებად აღიარების გადაწყვეტილების შეცვლას და ჰუმანიტარული დახმარების თავისუფლად შეშვებას რეგიონში", - განაცხადა ჯენ ფსაკიმ.
როგორც აშშ-ის სახელმწიფო დეპარტამენტის წარმომადგენელმა აღნიშნა, აშშ-ი კიდევ ერთხელ უცხადებს სრულ მხარდაჭერას ჟენევის საერთაშორისო მოლაპარაკებებს, რაც კონკრეტული პროგრესის მიღწევის საშუალებას წარმოადგენს.
აფხაზეთში ე.წ. რიგგარეშე საპრეზიდენტო არჩევნები 24 აგვისტოს გაიმართა. ცესკოს წინასწარი ინფორმაციით, ე.წ.არჩევნებში რაულ ხაჯიმბამ გაიმარჯვა.
