უკრაინაში, ლუგანსკის ოლქში დევნილების კოლონა დაცხრილეს. ამ დროისთვის არსებული ინფორმაციით, თითქმის ყველა მათგანი დაიღუპა. BBC-ის რუსული ბიუროს ინფორმაციით , შემთხვევა სოფელ ხრიაშჩევატოეში მოხდა.
უკრაინის სამთავრობო სამხედრო ძალების წარმომადგენლის, ლეონიდ მატიუხინის განცხადებით, ბევრი მათგანი ცოცხლად დაიწვა. მისივე თქმით, ისროდნენ სეპარატისტები.
არსებული ინფორმაციით, მსხვერპლის რაოდენობა საკმადო დიდია. უკრაინის ეროვნული უშიშრობისა და თავდაცვის საბჭოს პრესსპიკერმა, ანდრეი ლისენკომ დაადასტურა, რომ მსხვერპლი დიდია, თუმცა მათი ზუსტი რაოდენობა, უცნობია.
