სასჯელაღსრულების #8 დაწესებულებაში ნარკოტიკების შეტანის მცდელობა სად-ის თანამშრომლებმა აღკვეთეს
სასჯელაღსრულების დეპარტამენტის #8 დაწესებულების თანამშრომლებმა 2013 წლის 26 სექტემბერს, საპყრობილეში ნარკოტიკული ნივთიერების შეტანის მცდელობის 2 ფაქტი აღკვეთეს.
14:10 საათზე, სასჯელაღსრულების დეპარტამენტის #8 დაწესებულებაში პატიმარ პ.თ-სთვის ამანათის შეგზავნის მიზნით გამოცხადდა პატიმრის მამა, ვ.თ. ამანათის შემოწმების შედეგად, ჯინსის შარვლის უკანა ჯიბეში მომწვანო ფერის, სპეციფიური სუნის მქონე მცენარე, სავარაუდოდ, მარიხუანა აღმოჩნდა. ამავე დაწესებულების თანამშრომლებმა 15:10 საათზე, კიდევ ერთი ამანათის შემოწმებისას მაისურის მარცხენა ჯიბეში მომწვანო ფერის მცენარე აღმოაჩინეს. ამანათს პატიმარ ე.ს.-ს ძმა გ.ს. უგზავნიდა. ორივე ფაქტზე დანიშნულია ექსპერტიზა. საქმეზე გამოძიება 19,378 -ე მუხლით მიმდინარეობს, რაც მსჯავრდებულისათვის საპატიმრო დაწესებულებაში აკრძალული საგნის, ნარკოტიკული საშუალების გადაცემის მცდელობას გულისხმობს. გამოძიებას სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტი აწარმოებს.
