ეროვნულ-დემოკრატიული ინსტიტუტი (NDI) მედიას ხვალ პოლიტიკური პარტიების რეიტინგებს წარუდგენს. როგორც "ინტერპრესნიუსს" NDI-დან აცნობეს , სექტემბერში ჩატარებული საზოგადოებრივი აზრის კვლევის შედეგების პოლიტიკური ნაწილის პრეზენტაცია სასტუმრო "შერატონ მეტეხი პალასში", 11:00 საათზე გაიმართება.
პრეზენტაციაზე მიწვეული არიან მხოლოდ მედიასაშუალებების წარმომადგენლები.
NDI-ის კვლევის საველე სამუშაოები 18 აგვისტოდან 3 სექტემბრის პერიოდში ჩატარდა. საქართველოს მასშტაბით პირისპირ ინტერვიუს წარმომადგელობითი შერჩევის საფუძველზე 3 838 ადამიანი გამოიკითხა. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (შიდა) და ატარებს კავკასიის კვლევითი რესურსების ცენტრი (CRRC).
