კვლავ ვრცელდება ინფორმაცია თბილისის ქუჩებში პოლიციელების მიერ მოქალაქეების გაჩერებისა და ჩხრეკის შესახებ. "ინტერპრესნიუსს" დაუკავშირდნენ მოქალაქეები, რომელთა განცხადებით , პოლიციამ ისინი ქუჩაში გააჩერა და საბუთების წარდგენა სთხოვა.
"მანქანით ვმოძრაობდით საბურთალოს ქუჩაზე, პოლიციამ გაგვაჩერა, გვთხოვა პირადობის დამადასტურებელი მოწმობის წარდგენა, შეგვიმოწმა ჯიბეები, ჩანთები, მანქანის საბარგული. როდესაც ვკითხეთ შემოწმების მიზეზი, არაფერი გვთხირეს," – გვითხრა ერთ-ერთმ მოქალაქემ.
ანალოგიური შემოწმების შესახებ "ინტერპრესნიუსს" ინფორმაცია კიდევ რამდენიმე მოქალაქემ მიაწოდა.
შსს აღნიშნულ საკითხთან დაკავშირებით დამატებით კომენტარს არ აკეთებს. როგორც "ინტერპრესნიუსს" შსს-ს საზოგადოებასთან ურთიერთობის სამსახურში განაცხადეს, ამ თემაზე განმარტება უწყებამ 24 აგვისტოს უკვე გააკეთა.
შსს-ს მიერ 24 აგვისტოს გავრცელებული ინფორმაციის თანახმად, "პოლიცია 24-საათიან რეჟიმში ზრუნავს მოსახლეობის უსაფრთხოებაზე და მოქმედებს კანონის ფარგლებში და ატარებს პრევენციულ ღონისძიებებს".
