დღეს მოსკოვში, ახალ არბატზე, კინოთეატრ "ოქტომბერში" რეზო ჩხეიძის ფილმ "ჯარისკაცის მამის" ფერადი ვერსიის პრემიერა გაიმართება.
პრემიერა 7 მაისს, 16:00 საათზე გაიმართება. ამასთან, 9 მაისს, თბილისში, კინოთეატრ "რუსთაველის" დიდ დარბაზში, 19:00 საათზე რეზო ჩხეიძისადმი მიძღვნილი წიგნის - "ვიდექი ისე, როგორც ბერმუხა", პრეზენტაცია გაიმართება.
შემდეგ კი, 20:00 საათზე "ჯარისკაცის მამის" ფერადი ვერსიის პრემიერა ჩატარდება. 21:40 საათზე კინოთეატრ "რუსთაველის" წინ რეზო ჩხეიძის ვარსკვლავის გახსნის ცერემონიალი გაიმართება.
