აგრარული უნივერსიტეტის რექტორმა ლაშა გოცირიძემ განათლების სამინისტროს კანცელარიაში ავტორიზაციის აღდგენის შესახებ ოფიციალური განაცხადი შეიტანა.
როგორც აგრარული უნივერსიტეტის რექტორმა განაცხადა, არსებობდა კომუნიკაციის პრობლემა და ეს გახდა ერთ-ერთი მიზეზი აგრარული უნივერსიტეტისთვის ავტორიზაციის შეჩერების პრობლემა.
როგორც ლაშა გოცირიძემ განაცხადა, მას იმედი აქვს, რომ მინისტრი დანაპირებს შეასრულებს და აგრარულ უნივერსიტეტს აღუდგება ავტორიზაცია.
აგრარული უნივერსიტეტის რექტორმა ისიც აღნიშნა, რომ მას ეამაყება უნივერსიტეტის სტუდენტების აქტივობა, რადგან ისინი მონდომებულები არიან, უმაღლესი და შესაბამისი განათლება მიიღონ.
პარალელურად, განათლების სამინისტროსთან სტუდენტთა საპროტესტო აქცია იმართება. უზნაძის ქუჩა გადაკეტილია, სამინისტროს პერიმეტრს პოლიცია იცავს.
