რუსთაველის გამზირზე არსებული პარლამენტის შენობა, ქვეყნის უმაღლეს საკანონმდებლო ორგანოს დაუბრუნდა და შესაბამისად, უკვე მის ბალანსზე ირიცხება.
ამის შესახებ ინფორმაცია from.ge-ს პარლამენტის აპარატის უფროსმა, ზურაბ მარაქველიძემ დაუდასტურა.
„დიახ, ბალანსიდან - ბალანსზე გადავიდა“, - დასძინა მარაქველიძემ.
შეგახენებთ, რომ პარლამენტის შენობა ეკონომიკის სამინისტროს აქტებით საპარტნიორო ფონდს გადაეცა, რომელიც 2011 წლის ივნისში დაფუძნდა და მის დირექტორად ყოფილი პრემიერ-მინისტრი ნიკა გილაური მიმდინარე წლის ივლისში დაინიშნა. „საპარტნიორო ფონდის" საქმიანობა ინვესტიციების მოზიდვა, სამუშაო ადგილების შექმნა და შეფერხებული პროექტების დასრულების ხელშეწყობაა. მისი 100%-იანი წილის მფლოებლი სახელმწიფოა, რომელიც საქართველოს პრეზიდენტის წინაშეა ანგარიშვალდებული.