სრულიად საქართველოს მუსლიმთა სამმართველოს მუფტის, ჯემალ პაქსაძის ინფორმაციით, ამ დროისთვის, ლანჩხუთის რაიონის სოფელ ნიგვზიანში სტაბილური მდგომარეობაა.
როგორც from.ge-ს პაქსაძემ განუცხადა, სოფელში მოსახლეობა დამშვიდდება და მხარეებს შორის არსებული დაპირისპირება ცივილიზებული ნორმებით მოგვარდება.
„სოფელში ვითარება სტაბილურია და ვითარება დამშვიდდება“, - დასძინა მან.
ამ წუთებში, პარლამენტის ადამიანი უფლებათა დაცვის კომიტეტის თავმჯდომარე ეკა ბესელია და რამდენიმე დეპუტატი ნიგვზიანში მცხოვრებ რამდენიმე მუსლიმთან შეხვედრას მართავენ.
არსებული ინფორმაციით, ნიგვზიანში მუსლიმთა 300 ოჯახი ცხოვრობს.
