ბრიტანული მუსიკალური მას-მედიის ინფორმაციით, ჯგუფი “Guns'n'Roses”-ის ყოფილი გიტარისტი სლეში (ნამდვილი სახელი – სოლ ჰადსონი) უახლოეს მომავალში ახალ ალბომს გამოუშვებს. მისი სახელწოდებაა “Made In Stoke. 24/7/11”.

მიმდინარე წლის 24 ივლისს მუსიკოსმა მშობლიურ ქალაქ სტოკ-ონ-ტრენტში კონცერტი ჩაატარა და ახალი ჩანაწერიც ამ გამოსვლას ეხება. ეს ალბომი დღის სინათლეს მიმდინარე წლის 14 ნოემბერს იხილავს. ის ორი CD დისკის სახით გამოვა. მას დამატებული ექნება სპეციალური DVD, რომელზეც სლეშის დღემდე უცნობი ხუთი კომპოზიცია იქნება წარმოდგენილი.

სტოკ-ონ-ტრენტში ჩატარებული კონცერტის მიმდინარეობისას მუსიკოსმა შეასრულა თავისი ყოფილი ჯგუფების “Guns'n'Roses”-ისა და “Velvet REvolver”-ის რეპერტუარში შესული ცნობილი კომპოზიციები, ასევე კომპოზიციები სლეშის 2010 წლის მარტში გამოსული პირველი სოლო ალბომიდან “Slash”.

საინტერესოა, რომ მუსიკოსმა რიგით მეორე სოლო ჩანაწერზე მუშაობა უკვე დაიწყო. მას ჯგუფი “Alter Bridge”-ს ვოკალისტი მაილზ კენედი ეხმარება.

ალბომში “Made In Stoke. 24/7/11” შემდეგი კომპოზიციები იქნება წარმოდგენილი.

1. Been There Lately

2. Nightrain

3. Ghost

4. Mean Bone

5. Back From Cal

6. Rocket Queen

7. Civil War

8. Nothing To Say

9. Starlight

10. Promise

11. Doctor Alibi

12. Speed Parade

13. Watch This

14. Beggars $ Hangers-On

15. Patience

16. Godfather Theme

17. Sweet Child O'Mine

18. Slither

19. By The Sword

20. Mr. Brownstone

21. Paradise City