დღეს, ლოს ანჟელესში MTV -ის ყოველწლიური დაჯილდოება Video Music Awards გაიმართება. დაჯილდოების ყველაზე პრესტიჟულ კატეგორიაში „წლის ვიდეო“ წარმოდგენილია ბარბადოსელი რიანას ორი ვიდეორგოლი: „We Found Love“ და „Take Care“. ამ ტიტულზე ასევე ნომინირებული არიან, გოთი და კიმბრა.
საუკეთესო ხუთეულში უკვე მეორე წელია ფიგურირებს კეტი პერი, ამჯერად კომპოზიციით „Wide Awake“
„მაყურებლის განსაკუთრებული სიმპათიის“ ნომინაციაში მოხვდნენ : სელენა გომესი, ნიკი მინაჟი, ბიონსე, ტეილორ სვიფტი, ჯასტინ ბიბერი, აშერი, კრის ბრაუნი და ა.შ.
Video Music Awards ამერიკული მუსიკალური ტელეარხის MTV დაჯილდოებაა, რომელიც გადაეცემათ საუკეთესო კომპოზიციებზე შექმნილ საუკეთესო ვიდეოკლიპებს, ნომინაციებში: „საუკეთესო ჯგუფი, დებიუტი, შემსრულებელი, ქორეოგრაფია, მონტაჟი, რეჟისორი და ბოლოს, „წლის საუკეთესო ვიდეო“. ამ ნომინაციებს წელს დაემატა ორი, რეკორდსმენი ვიდეო სოციალურ ქსელებში და საუკეთესო საცეკვაო ვიდეო.
