არჩევნების პორტალს ELECTIONPORTAL.GE არჩევნებისა და ამომრჩეველთა სიების ინტერაქციული რუკები დაემატება. ამის პრეზენტაცია სხვადასხვა ორგანიზაციების მიერ დღეს დაგეგმილ პრესკონფერენციაზე გაიმართება.

პრესკონფერენცია სასტუმროში "შერატონ მეტეხი პალასი" 12:00 საათზე გაიმართება. მასში მონაწილეობას ეროვნულ-დემოკრატიული ინსტიტუტი, ჯამპსტარტ ჯორჯია და არასამთავრობო ორგანიზაციების - სამართლიანი არჩევნებისა და დემოკრატიის საერთაშორისო საზოგადოება, საქართველოს ახალგაზრდა იურისტთა ასოციაცია, საერთაშორისო გამჭვირვალობა - საქართველო  მიიღებს.

არჩევნების პორტალის პროექტი ამერიკის შეერთებული შტატების საერთაშორისო განვითარების სააგენტოს USAID-ის მხარდაჭერით ხორციელდება. პორტალის საწყისი მხარდაჭერა უზრუნველყო ფონდმა "ღია საზოგადოება - საქართველო".

არჩევნების მონაცემთა ბაზის შექმნა დაფინანსებულია შვედეთის საერთაშორისო განვითარებისა და თანამშრომლობის სააგენტოს მიერ.

ვებ გვერდი შექმნილია ჯამპსტარტ ჯორჯიას (jumpstart.ge) მიერ.