„ქრისტიან-დემოკრატიული მოძრაობის“ საარჩევნო შტაბს პარტიის ერთ-ერთი ლიდერი ლევან ვეფხვაძე უხელმძღვანელებს. შესაბამისად, ვეფხვაძის თქმით, სწორედ საარჩევნო შტაბის ხელმძღვალობის გამო, შესაძლოა, პარტიის მაჟორიტარობის კანდიდატი არ იყოს.
ზოგადად ქდმ-ის მაჟორიტარებს რაც შეეხება, „ქდმ“ ამ მიმართულებით შიდა კვლების შედეგებს ელოდება.
ვეფხვაძის თქმით, პარტიის ლიდერებთან დაკავშირებით კონკრეტული გადაწყვეტილებებიც სწორედ კვლევის შედეგების მიხედვით იქნება მიღებული.
„კვლევა ყველა დიდ ქალაქში - თბილისში, ქუთაისში, თელავში, ბათუმში ჩატარდა და მის მიხედვით შერჩეულ კანდიდატებზე საბოლოო გადაწყვეტილებები მომავალი კვირისთვის იქნება მიღებული. „ქრისტიან-დემოკრატები“ მაჟორიტარობის კანდიდატებს ყველა მაჟორიტარულ ოლქში დაასახელებენ“,- განაცხადა ვეფხვაძემ.
