აშშ-ში, კალიფორნიის შტატში მასშტაბური ხანძრის შედეგად დაღუპულთა რიცხვი 44-მდე გაიზარდა. მეხანძრე-მაშველებმა ცხედრები დამწვარ მანქანებსა და სახლებში იპოვეს. დაკარგულად ითვლება 200-მდე ადამიანი.
შტატში არსებული ხანძრის სამი ძლიერი კერის გამო, საცხოვრებლის დატოვება 250 ათასზე მეტ ადამიანს მოუწია. სტიქიის შედეგად 44 ათასი ჰექტარი ტერიტორია დაიწვა. თითქმის სრულებით განადგურდა ქალაქი პარადაისი, რომელიც ტყესთან ახლოს მდებარეობდა.
ხანძრის დროს დაიწვა HBO-ს სერიალ Westworld-ის პავილიონები. გარდა ამისა, ცეცხლმა გაანადგურა ცნობილი ჰოლივუდელი მსახიობების სახლებიც, მათ შორის ჯულია რობერტსის, ბარბრა სტრეიზანდის, ლედი გაგას, კიმ კარდაშიანის, ჰოლი ბერის, მელ გიბსონის, შერისა და სხვების.
