ყველასთვის ცნობილი უიღბლო სამგზავრო გემის ზუსტ ანალოგს ტიტანიკი II დაარქვეს. ის თავის პირველ მოგზაურობას 2022 წელს დაიწყებს. ტიტანიკი II-ის ბორტზე 2400 მგზავრისა და ეკიპაჟს 900 წევრისთვისაა ადგილი, რაც USA Today-ის თქმით, ფაქტობრივად იგივე რაოდენობაა, რაც 2012 წელს ტრაგიკულად ჩაძირული პირველი ტიტანიკის შემთხვევაში იყო. თუმცა, განსხვავება ის არის, რომ ამ შემთხვევაში გემზე იქნება საკმარისი რაოდენობის სამაშველო ნავი, ჟილეტები და მიღებული იქნება ბევრი სხვა უსაფრთხოების თანამედროვე ზომა.
MSN-ის ინფორმაციით, Titanic II პირველად 2-კვირიან მოგზაურობას დაიწყებს დუბაიდან საუთჰემპტონამდე. ამის შემდეგ ის პირველი ტიტანიკის დაგეგმილ მარშრუტს გაივლის ინგლისიდან ნიუ-იორკამდე ჩრდილოყინულოვანი ოკეანის გადაკვეთით. ამ მოგზაურობის დასრულების შემდეგ ის მგზავრებს მსოფლიოს მასშტაბით საკრუიზო მოგზაურობას შესთავაზებს.
1912 წლის ტიტანიკის ტრაგედია, რომელიც ჯეიმს კამერონმა 1997 წლის იმავე დასახელების ფილმში უკვდავყო, აისბერგთან შეტაკებამ გამოიწვია, რა დროსაც დაახლოებით 1500 ადამიანი დაიღუპა, რაც ფაქტობრივად მგზავრთა ორი მესამედი იყო.
2015 წელს Blue Star Line-მ Titanic II-ზე მუშაობა ფინანსური უთანხმოების გამო შეაჩერა, რის გამოც გადაიდო გეგმები, რომლის მიხედვითად სამგზავრო გემი უკვე 2016 წლისთვის მზად უნდა ყოფილიყო. კომპანიამ სექტემბერში გამოაცხადა, რომ ის აგრძელებს მუშაობას გემის დასასრულებლად. Bloomberg-ის ცნობით, Titanic II-ის ღირებულება 500 მილიონი დოლარი იქნება.
"გემი პირველი ტიტანიკის ორიგინალურ მარშრუტს შეასრულებს და მგზავრებს საუთჰემპტონიდან ნიუ-იორკში ჩაიყვანს, მაგრამ ის ასევე შეასრულებს მოგზაურობას დედამიწის გარშემო და მიიპყრობს დიდ ყურადღებას ყველგან, სადაც კი მივა"- განაცხადა Blue Star Line-ის თავმჯდომარემ, კლივ პალმერმა.
ჯერჯერობით საუბარი არ არის იმაზე, თუ როდის გახდება ხელმისაწვდომი ბილეთები პოტენციური მგზავრებისთვის.
