სალომე ზურაბიშვილი არასამთავრობო ორგანიზაციების წინააღმდეგ - საკითხს „ნაციონალური მოძრაონის“ წევრი ზაალ უდუმაშვილიე ეხმაურება. უდუმაშვილის განცხადებით, „ქართულმა ოცნებამ“ სალომე ზურაბიშვილი უნდა გადამალოს, რადგან ყოველი მისი გამოჩენა ახალი სკანდალის მიზეზი ხდება:
„აშკარაა, რომ სალომე ზურაბიშვილი ადგას ბიძინა ივანიშვილს კვალს. ეტყობა ბიძინა ივანიშვილის სკოლა. ბიძინა ივანიშვილი, როდესაც პოლიტიკაში პირველ ნაბიჯებს დგამდა, სწორედ პირველი იერიში არასამთავრობო სექტორსა და მედიაზე მიიტანა. მინდა, შევახსენო საქართველოს პრეზიდენტობის კანდიდატს, რომ საქართველოს პრეზიდენტის მთავარი მოკავშირე სწორედ მედია და არასამთავრობო სექტორია, მე შემიძლია, ერთი უფასო რჩევა მივცე ქართულ ოცნებას, გადამალეთ თქვენი კანდიდატი იმიტომ, რომ ყოველი მისი გამოჩენა და განცხადება ახალი სკანდალის მიზეზი ხდება" - განაცხადა უდუმაშვილმა.
