ცნობილი საოპერო მომღერალი, სოპრანო მონსერატ კაბალიე 85 წლის ასაკში ბარსელონაში გარდაიცვალა.
ბოლო პერიოდში, მომღერალი საავადმყოფოში მკურნალობდა. მას ნაღვლის ბუშტის ქრონიკული დაავადება ჰქონდა. კაბალიეს 8 ოქტომბერს დაკრძალავენ.
მონსერატ კაბალიეს საოპერო კარიერა 50 წელს ითვლის. მისი წარმოდგენები იმართებოდა „მეტროპოლიტენ ოპერაში“, სან ფრანცისკოსა და ვენის ოპერის სახელმწიფო თეატრებში.
საოპერო მომღერალი ასევე ცნობილია ერთობლივი ალბომით ჯგუფ „ქუინის“ ვოკალისტ ფრედი მერკურთან ერთად.
