82 წლის იუბილემდე ერთი დღით ადრე სილვიო ბერლუსკონიმ იტალიური საფეხბურთო კლუბი „მონცა“ შეიძინა. ამის შესახებ Football Italia წერს.
ირკვევა, რომ ამ დროისთვის საფეხბურთო კლუბი სერია C-ში ასპარეზობს.
„მონცას“ ხელმძღვანელობაში ბერლუსკონისთან ერთად იქნება „მილანის“ ყოფილი ვიცეპრეზიდენტი ადრიანო გალიანი.
სილვიო ბერლუსკონი 31 წლის განმავლობაში საფეხბურთო კლუბ „მილანის“ მფლობელი იყო. 2017 წელს მან „მილანი“ ჩინელ ინვესტორს მიჰყიდა.
