რატომ ვფიქრობთ, რომ არამიწიერი არსებები ადამიანებს ან ნაცნობ ცოცხალ არსებებს უნდა ჰგავდნენ? იქნებ, ისინი უკვე ჩვენ შორის ცხოვრობენ, ცურავენ, დაცოცავენ ან დაფრინავენ. მოსაზრება NASA-ს ასტრობიოლოგიური ინსტიტუტის დირექტორმა პენელოპე ბოსტონმა გამოთქვა.
იგი ასტრობიოლოგიის წინაშე არსებულ დიდ გამოწვევად მიიჩევს უნარს, ამოიცნოს სიცოცხლის ფორმა, - „ჩვენი გენეტიკური ინსტრუმენტები არასაკმარისი ხდება, როცა საქმე ჩვენთვის უცნობი ფორმების გამოკვლევას ეხება. არადედამიწიერი სიცოცხლე შეიძლება ისეთი უცნაური და მიკრობული იყოს, რომ მასთან შეხვედრისას ჩვენ სრულიად უვიცები აღმოვჩნდეთ.
ასტრობიოლოგი აცხადებს, რომ უმჯობესია, ტექნოლოგიები იქნას გამოყენებული სიცოცხლის სხვადასხვა ფორმის აღმოსაჩენად და გამოსაკვლევად, სანამ უცხოპლანეტელებს შევხვდებით, თუ უკვე არ შევხვედრივართ.
