ბრიტანელმა მეცნიერებმა გამოავლინეს დამოკიდებულება  ასაკსა და ფსიქიკურ მდგომარეობას შორის – 10 ათას კაცზე ჩატარებული გამოკვლევის შედეგად, ისინი მივიდნენ დასკვნამდე, რომ ადამიანები 45 წლის ასაკის შემდეგ უფრო ბედნიერად გრძნობენ თავს, ვიდრე ახალგაზრდები!

ცხოვრების ხსარისხის შესაფასებლად ეყრდნობოდნენ  რვა სხვადასხვა ფაქტორს – დაწყებული ჯანმრთელობის საერთო მდგომარეობით, ტკივილების არსებობა–არარსებობით, სოციალური ცხოვრებითა და ფსიქიკური ჯანმრთელობით.

აღმოჩნდა, რომ სულიერი და ფიზიკური ჯანმრთელობის თვითშეგრძნება ედრება პარაბოლას – მინიმალურ წერტილს აღწევს დაახლოებით 45 წლის ასაკში  და იზრდება შემდეგ წლების  მატებასთან ერთად.

აქ არაფერია გასაკვირი – მეცნიერებმა დაადასტურეს, რომ ასაკთან ერთად ადამიანი უკეთ უმკლავდება უსიამოვნო სიტუაციებს. ახალგაზრდებისაგან განსხვავებით, ასაკოვანთ უკეთ აქვთ თავდაცვითი მექანიზმები გამომუშავებული;  ამას გარდა,  ხნოვანებასთან ერთად ნაკლებად სჩვევიათ თვითჩაღრმავებაც, რაც  ცუდი განწყობილების და ნერვული აშლილობის საწინდარია მოზარდების და ახალგაზრდებისათვის.

დიდი მნიშვნელობა აქვს ძილს – კარგად გრძნობენ თავს ისინი, ვისაც სძინავს 6–8 საათი დღე–ღამეში, ვისაც მეტი ან ნაკლები – უჩივიან ფიზიკურსა და ფსიქიკურ დისკომფორტს.

მთლად საოცარ შედეგამდე მივიდა სტენფორდის უნივერსიტეტის პროფესორი ლორა კარტსენსენი – მისი დასკვნით, თუ გსურს ბედნიერად იგრძნო თავი, დაელოდე სიბერეს!