სოკრატესი 

ბერძენი ფილოსოფოსის „სეხნია” სოკრატესი საფეხბურთო მოედანზე დიდი სიბრძნით გამოირჩეოდა, ხოლო რეალურ ცხოვრებაში დოქტორის ხარისხით იწონებდა თავს. ის 1980-იანი წლების ბრაზილიის ნაკრების ერთ-ერთი ლიდერი იყო, რომელმაც კარიერის დასრულების შემდეგ ცხოვრება მეცნიერებას დაუთმო. სოკრატესის საფირმო წვერ-ულვაში იმ დროის ბრაზილიის ნაკრების სიმბოლოა.

ალექსი ლალასი 

ექსტრავაგანტური ალექსი ლალასი ამერიკის ნაკრებში სტაბილური თამაშითა და კოლორიტული გარეგნობით გამოირჩეოდა. ლალასმა ორ მსოფლიო ჩემპიონატზე იასპარეზა და თავი ჟღალი ფერის წვერ-ულვაშით დაგვამახსოვრა.

ოლოფ მელბერგი 

შვედეთის ნაკრების მცველმა, ოლოფ მელბერგმა, სანაკრებო დონეზე ორ მსოფლიო ჩემპიონატზე ითამაშა და თავისი ბრუტალური იმიჯით საიმედო დამცველის სახელი დაიმკვიდრა. სკანდინავიელი ვიკინგების შთამომავალი ოლოფი ამჟამად 36 წლისაა. ის კარიერას ჯერაც აგრძელებს, თუმცა, ბოლო ორმა მსოფლიო ჩემპიონატმა შვედეთის ნაკრების გარეშე ჩაიარა.