„მოსამართლემ ყველანაირად უნდა გაუძლოს ასეთი ტიპის თავდასხმებს. თუ ვერ გაუძლებს ასეთი ტიპის თავდასხმას, მაშინ ეს საქმე კი არ უნდა აიცილოს, არამედ, საერთოდ უნდა ჩამოშროდეს სასამართლო ხელისუფლებას“, - აცხადებს პარლამენტის თავმჯდომარის მოადგილე, მანანა კობახიძე, რომლის განცხადებით, ნიკა გვარამია არღვევს კანონს და მოსამართლემ უნდა აიძულოს დაიცვას კანონი.

for.ge მანანა კობახიძეს ესაუბრა.

პროცესები, რომელიც მოსამართლე ურთმელიძის გარშემო მიმდინარებს და ვგულისხმობ მოსამართლის დედის გარშემო განვითარებულ მოვლენებს, კანონით, არის თუ არა ეს აცილების საფუძველი და როგორ ფიქრობთ, რატომ გახდა მოსამართლე ასეთი თავდასხმის ობიექტი?

მანანა კობახიძე: ის ქმედებები, რასაც „რუსთავი 2“ და ბატონი გვარმია ახორციელებენ, ეს არის მიზანმიმართული ქმედება მოსამართლოს დისკრედიტაციის მიზნით. რომელი მოსამართლეც არ უნდა ყოფილიყო ამ საქმის განმხილველი, დარწმუნებული ვარ, რომ ყველას მისამართით „რუსთავი 2“ და ნიკა გვარამია მოიქცეოდა ამგვარად.

ვფიქრობ, რომ მოსამართლემ ყველანაირად უნდა გაუძლოს ასეთი ტიპის თავდასხმებს. თუ ვერ გაუძლებს ასეთი ტიპის თავდასხმას, მაშინ ეს საქმე კი არ უნდა აიცილოს, არამედ, საერთოდ უნდა ჩამოშროდეს სასამართლო ხელისუფლებას. ძალიან მნიშვნელოვანია, რომ გაუძლოს ასეთი ტიპის შემოტევებს და მანიპულირებებს თუნდაც ოჯახის წევრებთან - დედასთან და მეუღლესთან დაკავშირებით.

გარდა იმისა, რომ საქართველოს მოქმედი კანონმდებლობით მოსამართლეზე ზეწოლა ისჯება, რადენად ეთიკური არის მხარის მიერ საქმეში ოჯახის წევრების ჩარევა და მით უმეტეს არასრულწოვანის?

- ეს არის პირდაპირ პროცესუალური დარღვევა. აუცილებლად, მოსამართლემ უნდა გამოიყენოს კანონით გათვალისწინებული ყველა ის ბერკეტი, რომ მხარეს არ მისცეს სასამართლოს და მოსამართლის შეურაცხყოფის უფლება. მახსენდება შემთხვევა, როდესაც ერთ-ერთი მოსამართლის გადაწყვეტულებაზე გამეღიმა, რაც მოსამართლემ ჩამითვალა სასამართლოს უპატივცემულობაში და დამაჯარიმა.

როდესაც ღიად ხდება მოსამართლის უპატივცემულობა და შეურაცხყოფა, ასეთ შემთხვევაში, მოსამართლემ ყველა ზომას უნდა მიმართოს, მათ შორის დარბაზიდან გაძევებისა და დაჯარიმების ჩათვლით. სხვანაირად ვერ შედგება მართლმსაჯულება. ყველა ვალდებულია პატივი სცეს სასამართლოს და მით უმეტეს გვარამია, რომელსაც იუსტიციის უმაღლესი საბჭოს წევრობის გამოცდილება აქვს და ძალიან კარგად იცის, როგორ უნდა მოქცეს მოსამართლეებს.

აქედან გამომდინარე, შეიძლება ვთქვათ, რომ გვარამია არღვევს კანონს? მეტიც, გვარამია, რომელიც ამტკიცებდა, რომ ურთმელიძეს თანხა ჰქონდა აღებული ამ საქმეში, სასამართლო სხდომაზე აღნიშნა, რომ მოსამართლეზე ასე შეგნებულად ისაუბრეს, რადგან მოსამართლე გაღიზიანებულიყო და ვერ ყოფილიყო მიკერძოებული...

- რა თქმა უნდა, პირდაპირ შემიძლია ვთქვა, რომ გვარამია არღვევს კანონს და მოსამართლემ უნდა აიძულოს ეს ადამიანი, რომ კანონი იქნას დაცული. მით უმეტეს, თუ ეს ხდება სასამართლოზე, ბუნებრივია, მოსამართლეს აქვს იმის ბერკეტი, რომ გამოიყენოს კანონით მინიჭებული უფლება და არ დაუშვას სასამართლოს შეურაცხყოფა როგორც გვარამიას, ასევე ქიბარ ხალვაშის წარმომადგენლის მხრიდან.

„რუსთავი 2“-ის და „ნაციონალური მოძრაობის“ ისტერიკა მიმართულია იმისკენ, რომ შექმნან არასტაბილურობის ფონი, რომელიც გამოადგებათ დესტაბილიზაციისთვის. ნურავინ მოიტყუებს თავს და ნუ იტყვის, რომ „რუსთავი 2“ არის თავისუფალი მედია. თავისუფალი მედია ნიშნავს, რომ არც ერთი პოლიტიკური ძალის გავლენის ქვეშ არ უნდა იყოს. „რუსთავი 2“ ნამდვილად არ არის თავისუფალი „ნაციონალური მოძრაობის“ გავლენისგან.

შესაბამისად, მოგონილია თემა, რომ თურმე თავისუფალი მედიის წინააღმდეგ მიდის ბრძოლა. დღეს, ხელისუფლება არც ერთ მედიას არ აკონტროლებს და ამის სურვილიც არ აქვს. ამის მაგალითია „მე-9 არხი“, რომელიც ბიძინა ივანიშვილმა დახურა სწორედ იმიტომ, რომ ხელისუფლების ხელში არ ყოფილიყო რომელიმე მედიასშუალება.

საქართველოში ყველამ იცის, რომ „რუსთავი 2“ არის პარტიული ტელევიზია და არაფერი კავშირი სიტყვის თავისუფლებასთან არ აქვს. იცით, ოპოზიციურ ტელევიზიასაც არ დავარქმევ, იმიტომ, რომ აქ ოპონირებაში არ არის საქმე, აქ საქმე გვაქვს პირდაპირ პარტიული მიზნების განხორციელებასთან და სწორედ ამ მიზნებს ემსახურება „რუსთავი 2“.

თუმცა, დემოკრატიულ ქვეყანაში პარტიული ტელევიზიის არსებობა არ არის პრობლემა...

- რა თქმა უნდა, შეიძლება პარტიას ჰქონდეს ტელევიზია და კი ბატონო, ჰქონდეს, ოღონდ ეს აღიარონ. მე მგონია, რომ აღიარეს კიდევაც და არც მალავენ. ფაქტია, რომ ამ ტელევიზიას თავისი მიზნები აქვს. მნიშვნელოვანია ის, რომ ხელისუფლება არანაირად არ ერევა ამ დავაში. ჩვენ პოზიციაც არ შეიძლება გვქონდეს ამ დავასთან დაკავშირებით. დავა მიმდინარეობს კერძო პირებს შორის.

ყოფილი მესაკუთრე ედავება ახალ მესაკუთრეს. ვინ მართალია და ვინ მტყუანი, ეს უნდა გაარკვიოს სასამართლომ. თურმე, რატომ მიმართა ყოფილმა მესაკუთრემ სასამართლოს და ამის გამო ადანაშაულო ხელისუფლება, ეს არის ძალიან დიდი უსინდისობა იმ ხალხისგან, ვისაც წარულშიც აქვს „იმედის“ დარბევის საქმე. უკაცრავად და რა გამოდის, ქიბარ ხალვაშს სასამართლოსთვის მიმართვის უფლება ავუკრძალოთ?

ყოველ შემთხვევაში „რუსთვის 2“-ის პოზიციიდან თუ გამოვალთ, ხალვაშს არ უნდა მიემართა სასამართლოსთვის კუთვნილი ქონების დაბრუნების მიზნით...

- თურმე „ნაციონალურ მოძრაობას“ ჰქონდა უფლება, რომ დაეტერორებინა ტელევიზიები, დაეხურა თოქ-შოუები, ეცემა ჟურნალისტები, იძულებით წაერთმია ქონება მედია მფლობელებისთვის, მათ შორის თქვენთვის და ყველას კარგად გვახსობს presa.ge-ს საკითი, ამ დროს კი, კერძო პირს უფლება არ აქვს მიმართოს სასამართლოს. არ არის საჭირო ეს ისტერიკა. ურთმელიძით არ იწყება და არ მთავრდება მართლმსაჯულება. თუ არ იქნებიან ამ განაჩენით კმაყოფილი, არის მეორე და მესამე ინსტანცია, გაასაჩივრონ. დღეს სასამართლო არის თავისუფალი, ვიდრე ოდესმე იყო. ეს ის მოსამართლეები არიან, რომლებიც თავად დანიშნეს.

ჩვენ არც ერთი მოსამართლე არ გაგვიშვია და არ დაგვიტერორებია სასამართლო ხელისუფლება, როგორც თავად ატერორებდნენ. რცხვენოდეს გვარამიას, რომელმაც ძალიან კარგად იცის, ზეწოლის რა ბერკეტები იქნა გამოყენებული უზენაესი სასამართლოს მოსამართლეების მიმართ და თვითონ თავმჯდომარის, ლადო ჭანტურიას მიმართ. რატომ გაუშვეს სისტემიდან, ვადა არ ჰქონდა ჭანტურიას? ასეთი წარსულის მქონე ადამიანები თავისივე დანიშნულ მოსამართლეებზე ახლა პრეტენზიებს ხელისუფლებას უყენებენ.

იგივე ურთმელიძე იყო სოფელ დიღმის მიწების საქმის მოსამართლე, როდესაც ვანო მერაბიშვილის და ჯაბა ებანოიძის ინტერესებით სოფელი დიღმის მოსახლეობას მიწები ჩამოართვეს. ამ სასამართლო პროცესის დროს 2 ადამიანი გარდაიცვალა. მაშინ გამოვიდეს გვარამია და თქვას, რომ ეს საქმე იყო შეკერილი, იყო ვანო მერაბიშვილის ინტერსებში და რომ ეს მოსამართლე იყო მაშინაც პროკურატურის გავლენის ქვეშ. ასე არ შეილება, როდესაც თქვენ წინააღმდეგ მიიღებს გადაწყვეტილებას თქვა, რომ გავლენის ქვეშ არის და, როდესაც წინა ხელისუფლების დროს იღებდა გადაწყვეტილებებს, მაშინ ობიექტური იყო.

გვარამია ამტკიცებს, რომ ხელისუფლება, მოსამართლე და პროკურატურა ერთობლივად მოქმედებენ „რუსთავი 2“-ის წინააღმდეგ. როგორ ფიქრობთ, მიზანმიმართულად ხდება ხელისუფლების ჩართვა იმ საქმეზე, რომლის განხილვა მიმდინარებოს სასამრთლოში. როდესაც ხელისუფლება აკეთებს განმარტებებს, ეს უკვე ნიშნავს, რომ ხელისუფლება ჩართულია ამ საქმეში...

- კითხვა ისე დასვით, რომ პასუხიც თავად გაეცით. რა თქმა უნდა, მათი მიზანია ხელისუფლება ჩაითრიონ ამ დავაში და თითოეულ ჩვენს განცხადებებში რაღაცა სათავისოდ დაიჭირონ. ჩვენ ვემიჯნებით ამ დავას, გადაწყვიტოს სასამართლომ. ძალიან ნათელია მათი მიზანი და არ გამოუვათ. რისი იმედიც აქვს გვარამიას ან „რუსთავი 2“-ს“, მათი განზრახულობები სისრულეში ვერ იქნება მოყვანილი. „ნაციონალურ მოძრაობას“ საზოგადოებაში არ აქვს მხარდაჭერა და დარწმუნებული ვარ, რომ საზოგადოება არ დაუშვებს „ნაციონალური მოძრაობის“ რეჟიმის დაბრუნებას.

თქვენ იმყოფებოდით სტრასბურგში, სადაც გქონდათ შეხვედრები, თქვენი დასავლელი კოლეგები სვამდენ კითხვას ამ დავასთან დაკავშირებით და „რუსთავი 2“-ის გარშემო მიმდინარე პროცესებს აღიქვამენ როგორც თავისუფალ მედიაზე ზეწოლას?

- პირდაპირ შემიძლია გითხრათ, რომ კითხვაც კი არ დასმულა ამ საკითხზე. არავითარი „რუსთავი 2“-ის თემა სტრასბურგში არ განიხილებოდა. პირიქით, ევროსაბჭოს ბოლო რეზოლუციაში ცალსახად არის ნათქვამი, რომ საქართველოში მედია გარემო არის გაუმჯობესებული. სხვათა შორის გუშინ შევხვდი ევროსაბჭოს დელეგაციას, ბევრ მნიშვნელოვან საკითხებზე ვისაუბრეთ და მათ კითხვაც კი არ დაუსვამთ „რუსთავი 2“-თან დაკავშირებით. თუ სადმე დასვეს ეს საკითხი, მათ მიიღეს პასუხი, რომ ეს არის კერძო პირებს შორის დავა და, რომ სახელმწიფო ამ დავაში არ ერევა. ეს საკითხი უნდა გადაწყვიტოს სასამართლომ.