თიკნები სხვადასხვა „დიალექტზე“ კიკინებენ

თიკნები სხვადასხვა „დიალექტზე“ კიკინებენ

„თიკნებს შესწევთ უნარი, კიკინის ახალი „დიალექტები“ აითვისონ, რათა თავიანთ თანამოძმეებთან დაამყარონ ურთიერთობა“, – ეს აღმოჩენა დედოფალ მარიას ლონდონის უნივერსიტეტის სწავლულებმა იმ ექსპერიმენტის საფუძველზე გააკეთეს, რომელშიც დაკავებული იყო 23 ახლად დაბადებული თიკანი.

მკვლევრებმა ჩაიწერეს ამ თიკნების კიკინი, როდესაც ისინი ერთი კვირისანი იყვნენ. შემდეგ თიკნები დაყვეს ოთხ ჯგუფად და ჩაიწერეს მათი კიკინი, როდესაც ისინი ხუთი კვირისანი გახდნენ. გაირკვა, რომ ყოველ ჯგუფს განუვითარდა თავისი განუმეორებელი „დიალექტი“.

„ეს აღმოჩენა საკვირველია, ვინაიდან, მეცნიერებს მიაჩნდათ, რომ ცხოველთა უმრავლესობის ხმები ძალზე პრიმიტიულია იმისთვის, რომ მათში გამოხატული იყოს ფაქიზი ვარიაციები“. – წერს ენდი კოგლენი.

„მე არ გამიკვირდება, თუკი ასეთი თვისება სხვა ჩლიქოსნებსა და ძუძუმწოვრებსაც აღმოაჩნდებათ“, – თქვა კვლევების ერთ-ერთმა ავტორმა, ალან მაკელიგოტმა.