„სიმართლე გითხრათ, „ქართული ოცნების“ ეს პოლიტიკა ჩემთვისაც გაუგებარია. მე შეთქმეულების თეორიასაც ვერ გავიზიარებ, არა იმიტომ, რომ შეთქმულებები არ არსებობს, უბრალოდ, გაუგებარია რაში უნდა აწყობდეს „ქართულ ოცნებას“ შეგნებული წასვლა ნაციონალების გარშემო კონსერვაციის შენარჩუნებისკენ, როცა ვხდავთ, რომ ამან შეიძლება თვითონ „ქართული ოცნების“ მიმართ დამოკიდებულება გახადოს მძაფრი“, - აცხადებეს პოლიტოლოგი, რამაზ საყვარელიძე, რომლის განცხადებით, ქვეყანაში დესტაბილიზაციის შექმნა შეიძლება სამართლიანობის აღდგენის პროცესის დამუხრუჭებას უკავშირდებოდეს.

for.ge რამაზ საყვარელიძეს ესაუბრა.

საზოგადოებაში აქტიურად საუბრობენ, რომ ყოფილი ხელისუფლების მიზანს წარმოადგენს პოლიტიკური დაპირისპირების ქუჩაში გადანაცვლება, რათა პროცესები გახდეს უმართავი. სწორედ ხელოვნურად დაპირისპირების და დესტაბილიზაციის შექმნაზე ისუბრა შს მინსიტრმა თავის ინტერვიუში...

- შს მინისტრის ამ განცხადებამდე არსებობდა ინფორმაცია, რომელიც ძალიან წააგავდა სინამდვილეს იმის შესახებ, რომ ნაციონალები ფიქრობენ დესტაბილიზაციის კერის შექმნაზე. ამდენად, ამ ტიპის პროცესებს, რაც ხდებოდა ორ დაპირისპირებულ მხარეს შორის, დიდი გაკვირვება არ გამოუწვევია. ერთ-ერთი პირველი შეჯახება იყო ეროვნულ ბიბლიოთეკაში, როდესაც გიგი უგულავა პირდაპირ მოდიოდა კონფლიქტზე, პროვოცირებას უკეთებდა დაპირისპირებას.

იქედან მოყოლებული, სულ ჩანს ასეთი დაპირისპირების და სიტუაციის კონფლიქტში შეყვანის სუვრილი. ნაციონალების მხრიდან ამაში არის თავისებური ლოგიკა. გრძნობენ, რომ ხალხის მხარდაჭერით და არჩევნებით ვერ მოვლენ ხელისუფლებაში, ამიტომ, გასაკეთებელია რამე იმგვარი, რომელიც გვერდს აუვლის არჩევნებს. ასეთი კი არის შიდა დესტაბილიზაცია. ლოგიკურიც არის, რომ ამაზე მიდიოდეს საზოგადოებაში არაპოპულარული „ნაცინალური მოძრაობა“.

ხაზგასმით საუბრობენ, რომ მათი აქტივობა პირდაპირ კავშირშია 2016 წლის საპარალამენტო არჩევნებთან, რადგან მათი მაზანია ხელისუფლებაში დაბრუნება. საზოგადოებრივი აზრი მათ მიმართ რადიკალურია, მაგარამ ხელისუფლების უმოქმედების ფონზე, როდესაც ადამიანები ისევ სამართლიანობის აღდენას ითხოვენ, რამდენად შესაძლებელია, რომ ამ ფონზე საზოგადოებრივი მხარდაჭერა მოიპოვონ?

- მგონია, რომ ეს პრაქტიკულად შეუძლებელია, თუ არ მოხდა ზოგიერთი ისეთი მანიპულაცია რაც სჩევია პოლიტიკას. ხალხის დიდ მასებს, როდესაც ძალიან გაუჭირდებათ, ეს მასები თანხმდებიან დაივიწყონ წარსული, ოღონდ მიაღწიონ იმას, რაც მათ იმ მომენტში უჭირთ და პოლიტიკოსები ხშირად სარგებლობენ ამით. მართლაც შეიძლება რაღაცეები დაავიწყო ადამიანებს და ამის ხარჯზე მოიპოვო პოპულარულობა, ასეთი სცენარები ჩვენ გვინახავს. მაგრამ, ამის მიუხედავად, მაინც მგონია, რომ ნაციონალების სცენარი ხელისუფლებაში მოსვლისთვის არ გამოდგება. ჩვენ რამდენჯერმე ვნახეთ, როდესაც ნაციონალებმა თავი წამოყვეს ისეთ აქციებში, რომელიც „ქართული ოცნების“ წინააღმდეგ იყო მიმართული, იქაც მოსახლეობამ თვითონ ნაციონალებს შეუბრუნა ხელი და მათ არ აყვა. მგონია, რომ ნაციონალები არც ესწრაფვიან ხელისუფლებაში მოსვლას.

თუ კი ხელისუფლებაში მოსასვლელად არ ემზადებიან, მაშინ რა სქემაში ჯდება მათი მოქმედების სტილი? დესატაბილიზაციის კერის შემქნა, ეს უფრო დასავალეთისთვის არის გამიზნული, რომ საერთაშორისო საზოგადოებას შეუქმან აზრი, თითქოს საქართველო არაა უსაფრთხო ქვეყანა და, რომ პოლიტიკური ძალა ვერ მართავს ქვეყნას? ვიცე-პრემიერი არ გამორიცხავს ქვეყანაში სიტუაციის გამწვავების მიზნით, „თავისუფალი ზონის“ წარმომადგენლებმა საკუთარ ლიდერებზე განახორციელონ თავდასხმები, რათა მომხდარი ხელისუფლებას დაბრალდეს...

- ყველაფერი დასაშვებია. რაც შეეხება მიზანს, ეს მიზანი ძალიან ხშირად ფიგურირებს ნაციონალებთან. მათ ძალიან ხშირად ჰქონდათ მოთხოვნები და ეს ჩანს კიდეც დასავლეთის იმ პოლიტიკოსების გამოსვლებში, რომლებიც აშკარად მხარს უჭერენ მათ. ყველა ითხოვს სამართლიანობის აღდგენის პროცესში გარკვეული სიფრთხილის გამოჩენას, მაგრამ რეალურად, ეს დამუხრუჭებას ნიშნავს.

ამ დესტაბილიზაციის ფუნქციაც შეიძლება სამართლიანობის აღდგენის პროცესის დამუხრუჭება იყოს. ანუ, ქვეყანაში ისეთი სიტუაციის შექმნა, როდესაც არავის არ ექნება იმის თავი, რომ მიჰყვნენ სამართლიანობის აღდგენის პროცეს, მითუმეტეს, რომ ისედაც არ მიჰყვებიან ამ პროცესს. მე მგონია, რომ ერთ-ერთი ცენტრალური მოტივიც ეს არის.

ამ ყველაფერს ხელს უწყობს ხელისუფლების მიმართ დაგროვილი კითხვები? საზოგადოება ამბობს, რომ ხელისუფლებასა და საზოგადოებას შორის მოხდა დისტანცირება...

- გეთანხმებით და ამის ერთ-ერთი ნაპრალი სამართლიანობის აღდგენის პროცესია. გაჩნდა ეჭვი, რომ სამართლიანობის აღდგენის პროცესი მხოლოდ უნიათობის, სიზარმაცის ან არაკომპეტენტურობის ბრალი არაა, არამედ, შეიძლება ამ ფონზე ნაციონალებსა და „ქართულ ოცნებას“ შორის შეთქმულების მორიგი თეორია ამოტივტივდეს. ამას ხელი შეუწყო იმან, რომ ბევრი თანამდებობის პირი, რომელიც ნაციონალების დროს იყო, დღეს არა თუ დაქვეითებულია, არამედ დაწინაურებულიც კია ბევრგან. ანუ ხელისუფლებამ არ აჩვენა, რომ „ნაციონალური მოძრაობა“ და მისი პოლიტიკა „ქართული ოცნებისთვის“ მიუღებელია და მისი დემონატაჟი სურს.

კონკრეტულ პირებზე საქმე აღიძრა, სასამართლო დაიწყო, მაგრამ სწორედ ის, რომ კადრები ფაქტიურად ბევრგან იგივე დარჩა, ეს ნიშნავს, რომ სისტემა ძალაში რჩება. ამიტომ, ის რაც თქვენ ბრძანეთ - ნაპრალი, ამ ნაპრალს პოლიტიკური საფუძველი აქვს და სიმართლე გითხრათ, „ქართული ოცნების“ ეს პოლიტიკა ჩემთვისაც გაუგებარია.

მე შეთქმეულების თეორიასაც ვერ გავიზიარებ, არა იმიტომ, რომ შეთქმულებები არ არსებობს, უბრალოდ გაუგებარია რაში უნდა აწყობდეს „ქართულ ოცნებას“ შეგნებული წასვლა ნაციონალების გარშემო კონსერვაციის შენარჩუნებისკენ, როცა ვხდავთ, რომ ამან შეიძლება თვითონ „ქართული ოცნების“ მიმართ დამოკიდებულება გახადოს მძაფრი. ასე რომ, ჩემთვის პროცესების ეს ფრაგმენტი - ურთიერთობა „ქართულ ოცნებასა“ და „ნაციონალებს“ შორის - ბოლომდე ცხადი არაა. ჩემთვის იმიტომ ვამბობ, რომ თვალს ვადევნებ პროცესებს და მითუმეტეს, ადამიანები, რომლებიც რეგულარულად თვალყურს არ ადევნებენ პოლიტიკას და მხოლოდ მწვავე სიტუაციაში ახსენდებათ, მათთვის კიდევ უფრო მეტი კითხვის ნიშანი იქნება დაგროვილი.