"კაზანტიპის რესპუბლიკაში" ფესტივალზე დასასწრებად ჩამოსული უცხოელი სტუმრები ქართველი მამაკაცებით უკმაყოფილებას გამოთქვამენ. ახალგაზრდა ქალბატონები ნიკიტა მარშუნოკს "კაზანტიპიზე" ქართველი მამაკაცებისთვის ფეის-კონტროლის დაწესებას ურჩევენ. როგორც კაზანტიპის ფესტივალის სტუმრებმა „myvideos“ მიერ ორგანიზებულ ონლაინში განაცხადეს ქალბატონებზე ნადირობა 24 საათის განმავლობაში გრძელდება და ისინი თავს უძლურად გრძნობენ.

"ისინი კუდში დაგვდევენ და თავის დაძვრენა, ფაქტობრივად შეუძლებელია, მაგრამ თუ ვერ "გვაბამენ", ისინი ბრაზდებიან და გვიყვირიან“. მოსკოვიდან ჩამოსული გოგონები უკმაყოფილებას ქართველი სამართალდამცავების მიმართაც გამოთქვამენ და აცხადებენ, რომ პოლიცია ძალიან უხეშად იქცევა და მათ უყვირის. მათივე თქმით "კაზანტიპის რესპუბლიკაში" საკვებზე და სასმელზე უფრო მაღალი ფასებია ვიდრე ეს მოსკოვის რესტორნებშია.