მიხეილ ბულგაკოვი – ბოლშევიკების მოძულე რუსი

მიხეილ ბულგაკოვი – ბოლშევიკების მოძულე რუსი

დღეს დიდი რუსი მწერლის, რომანისტისა და დრამატურგის. ავტორის უკვდავი რომანისა: “ოსტატი და მარგარიტა“ –  მიხეილ ბულგაკოვის გარდაცვალების დღეა. დღეს ზუსტად 71 წელი შესრულდა ამ შესანიშნავი მწერლის გარდაცვალებიდან.

მიხეილ ბულგაკოვი დაიბადა ქალაქ კიევში რუსი მშობლების ოჯახში (მამა – აფანასი ბულგაკოვი, კიევის სასულიერო აკადემიის დოცენტი; დედა – ვარვარა პროკოვსკაია). 1916 წელს დაამთავრა კიევის უნივერსიტეტის სამედიცინო ფაკულტეტი. რუსეთის სამოქალაქო ომის დროს იყო სამხედრო ექიმი. 1921 წლიდან დასახლდა მოსკოვში, სადაც დაიწყო აქტიური ლიტერატურული მოღვაწეობა.

ბულგაკოვი არასოდეს უჭერდა მხარს ბოლშევიკურ რევოლუციას. ბევრ თავის ლიტერატურულ ნაშრომში მძაფრი სატირის გამოყენებით დასცინოდა და აკრიტიკებდა არსებულ საბჭოთა რეჟიმს. ამიტომ საბჭოთა კავშირში 1930–იანი წლებიდან მისი ნაწარმოებების უმრავლესობა აიკრძალა, ან სულაც გამოუქვეყვებელი დარჩა ათწლეულების მანძილზე. ბულგაკოვი წლების მანძილზე უშედეგოდ ცდილობდა დაეტოვებინა საბჭოთა კავშირი.

1928 წელს ბულგაკოვი იმყოფებოდა საქართველოში. მოინახულა ქალაქები თბილისი და ბათუმი. 1930–1936 წლებში მუშაობდა მოსკოვის სამხატრო აკადემიურ თეატრში რეჟისორის ასისტენტად. 1936 წლიდან დიდ თეატრში ლიბრეტისტად და თარჯიმნად. ბულგაკოვი გარდაიცვალა 1940 წელს თირკმელების დაავადებით.

ბულგაკოვის პირველი ლიტერატურული ნაწარმოებები თარიღდება ადრეული 20–იან წლებით. 1922 – 1924 წლებში დაწერა ნოველა: “თეთრი გვარდია“, რომლის საფუძველზე შეიქმნა პიესა “ტურბინების დღეები“.. მოგვიანებით დაიწერა შესანიშნავი მოთხრობა  – “ძაღლის გული“. სიცოცხლის ბოლო წლებში კი, ბულგაკოვი მუშაობდა რომანზე: “ოსტატი და მარგარიტა“, რომელიც მისი შემოქმედების ერთგვარი სავიზიტო ბარათი გახდა.