„ერთიანი ნეიტრალური საქართველოს“ წევრი ლევან ნიკოლეიშვილი სენატორ ტედ კრუზის ინიციატივას გამოეხმაურა, რომელმაც FBI-ს მიმართა მოთხოვნით, გამოიძიოს აქციებზე ძალადობის დაფინანსების საკითხები.

ნიკოლეიშვილის თქმით, ყველა გარემოება უნდა გახდეს გამოძიების საგანი, განსაკუთრებით კი ის, თუ ვისი სახსრებით ფინანსდება ძალადობრივი ქმედებები.

„ რა საინტერესო რამეს ითხოვს სენატორი ტედ კრუზი FBI-სგან? რაღაც მომენტში მეგონა საქართველოზე საუბრობდა. ცხადია გამოსაძიებელია ყველა ფაქტი, რაც დგას აქციებზე ძალადობის უკან, განსაკუთრებით თუ ვის სახსრებით ხდება ამ ძალადობების დაფინანსება. ოღონდ ერთი რამ ყველამ უნდა გაითვალისწინოს ის რაც მიუღებელი და დაუშვებელია ამერიკის შეერთებულ შტატებში თუ ევროპაში, ასევე მიუღებელი უნდა იყოს საქართველოშიც-აი, ეს კი, განსაკუთრებით ჩვენმა უცხოელმა მეგობრებმა უნდა გაითვალისწინონ.“ - წერს ნიკოლეიშვილი.